Galapagosta kamankapakmi Mamallaktapa pushakka llamkayrurayta kuna kan
Mamallaktapa pushak shinallatak kamaywasikunapa pushakpash Santa Cruzpimi karka. Chaypika Ambiente kamaywasimanta chay mañaymanta nirkami. Mamallaktapa pushak, Guillermo Lasso shinallatak payta yanapakkunapash Santa Cruzpi, Galapagospi karkakuna.
Instagrampika shuk rikchata yallichinakun: “Galapagosta kamachunmi Ecuadorta Unesco mañarka. Chay willayka shinami kan. Kayna rimaypika, Gustavo Manrique Ambientepa kamaywasika nirka: “Galapagosta kamachunmi Mamallaktapa pushaktaka Unesco mañashka”.
Pushakka nirka: “Chaymanta, alliyachinkapakmi llamkanakunchik, Encantadas yakumuyuyallpamanta kamankapakmi rurashkanchik”, nirka.
Lasso, Manrique, Niels Olsen, Juan Carlos Holguín chay yakumuyuyallpapi karkakuna, Coorporación Andina de Fomento 120.000 dólar kullkita alli yakupak kurka.
Lasso Twitter pankapi killkarka: “CAF kamaywasiwan llamkashpa galapagosmanta waranka ayllukunapak llamkayrurayta paktarinka. Runakunamanta shinallatak chay kuskata kamankapak kanchik”.
Rimaypipash, Lassoka irkilla wawakuna llakipi kaktapash harkankapak yanapanka, 23% galapagosmanta wawakunatami llakichin. Hampinawasita rurankapakpash nirka shinallatak 50 chalwa hakikkunatapash llamkachun pankata kurka. Chay yupaykunamantaka INEC 2018 watamantami kan, chaypimi ishkay watayuk wawakunamantaka 27,12% irkilla wakuna kan nin.