Unes tantanakuy shuk harkayta churarka shinapash  Censo zirma pankapi katikrinmi

Iskun kamachi killkakuna correístakunami harkayta churarka, shinapash mana harkarirkachu.

Zirma pankapi katinmi shinallatak 1.6 hunu runakunami chayta huntachishka. INEC kamaywasika chay katinkami nirka, correístakunaka chay  harkayta churashka kakpipash katinkami nirka.   Facebook pankapika censo zirma pankapi rurankapakka kamachi killkakkunamanta harkarishkami kan nin. Chay willayka llullami kan.

Awaki punchapi, UNES tantanakuymanta kamachi killkakkuna Censomanta shuk harkayta churarka. Lenin Barrero, chayta huchachirka, censo zirma pankapi rurankapakka tukuy willaykunata kuchunmi mañanakun nishpa.

Kallaripika, Twitter pankapi, kamachi killkak censo zirma panakapi rurankapakka  “chaywanka harkarinmi”. Shinapash, kamachi killkakllatakmi nirka “achiklla kachunka”, kay rurayka “Censo zirma pankapika harkayta usharinmi Juez arinikpi”.

Chay harkayta churashka kipaka mana Censo zirmapi harkanchu, juezmi arinina kan.

Chay kipaka INEC Twitterpi churashpami kutichirka. Kamachita katishpami kutichinka nirka. Zirma pankapi tukuy kamarishka kan shinallatak chay tapuykunaka taripaypakmi kan mana tukuykuna chayta rikuyta ushanchu nirka.

Chaymanta, kamaywasika Censo zirmapika 31 wayru killakamanmi kanka, shinami hawalla kachun nirka. INEC kamaywasika 1,6 hunu runakunami 24 wayru killakamanka killkarihska nirka.

Censo zirma pankaka 1 puncha 31 punchakamanmi kanka, 7:00 pachamanta 23:59 pachakama shinallatak kay pankapi rurayta ushanki: https://censoenlinea.censoecuador.gob.ec/sipe-captura-war/.

7 sasi killamanta 18 punchakamanka wasin wasinmi tapunkapak chayanka.