Covid-19 unkuywan Europapi kutin unkushkakuna mirarinka
Kay llaktakunapika añawllawtuwan unkushkakuna mirarikunmi. Llaki unkuypachaka manarak tukurinchu shinallatak vacunarina, kamarishpa katinapash kan nin
OMS tantanakuyka shuk tukun chaymanta mushuk covid-19 unkuykuna rikurin. Twitter panakapika EMA tantankuyka shamuk hunkaykunapika ashtawan unkushkakuna tiyanka nin, Ómicron unkuymanta nin. Chay willayka shinami kan.
El Heraldo shinallatak Euronews willachi tantanakuykunapash Ómicron unkuymanta ashtawan unkushkakuna mirarinka nin. “Llaki unkuypachaka manarak tukurishkachu. Vacunarina kan, kutin vacunarinapash kan shina Covid-19 unkuyta harkankapak”, Marco Calaveri, Ema ukumanta nirka.
Ómicron BQ1 unkuypa shuti kan, kayka Unión Europeapi pichka mamallaktakunapi kan. Unkushkakuna mirarishkami EMA nirka, ashtawanka 65 watayuk charikkuna shinallatak wanushkakunapash mirashka.
El Mundo Españamantaka OMS tantanakuyka llaki unkuypachaka manarak tukurishkachu nin. Españapika 100.000 runakunamantaka 195 unkushkakuna tiyan shinallatak 27 patsakri 59 watayukkunapi mirarishka. Alemaniapika, B4A shinallatak BA5 unkuymantami ashtawan unkushkakuna mirarishka.