Wichkaywasipi kashka runapa aylluka Correa hayñikunata kushka nishkaka llullami kan
Mamallaktapi wakin llakikuna tiyakpi ashtawan llulla willaykunata yallichinakun. Shinapash, chay rikchaka sasi killamanta, yallishka watamantami yallichinakun.
Mamallaktapika wakin llakikunami tiyan, yallishka hunkaymanta Guayaquilpi, Esmeraldaspipash llakikuna tiyashka. Chayta harkankapakmi, tukuy mamallaktapi ruraykuna kallarirka, shina wichkaywasipi kashkakunata shuk kuskaman yallichishpa.
Facebook pankapika wichkaywasipi kashka runapa ayllukunaka Rafael Correawan hayñikunata charishka nishka nin. Chay willayka llullami kan.
Chay rikchata Googlepi maskarkanchik shinapash chay rikchaka BBC shuk willaypimi llukhishka, chaytami Perumanta El Comerciopash llukchishka.
Chay willayka 15 sasi killapi 2021 watapi llukchirka shinallatak wichkaywasipi llakikunamantami karka. Chay rikcha uraypika Vanessa Ávila kan, paypa kusapa rikchata charishpa rikurin, paymi takik, tushuk kashka.
Chay pachapika, Vanessa Ávila nirka, wayru killapi 2020 watapi, paypa kusa wichakaywasiman yaykushka shinallatak 2021 raymi killapi huchachita paktana kashka, shinapash mana chaymanta llukshita ushashkachu.
Ecuador Chequea wakin pankakunapi maskarka shinallatak Diario Extra pankapipash shinapash mana chay willay rikurinchu.