Yachayukkunaka B.1.640 añawmantami wiñarishka nin, chaytaka República del Congopimi sitwa killapi tarirka.
Twitter pankapika Franciapi covid-19 unkuymanta shuk mushuk añawta tarishka IHU nishkata. Kallari unkushkaka Camerúnmanta kashka. Shinallatak 12 unkushkakunaka Marsellapi tarishkamanta willachirka, kallari taripaykunaka Ómicron yallimi kan nirka.
Chay willayka mana achiklla kanchu. Unkushkakuna tiyashkami, shinapash ashtawan unkuyta yachik kashkataka mana yacharinchu.
Instituto Hospitalario de Marsella twitter pankapi, 9 kapak killapi 2021 watapi IHU shutiwanmi shutishka.
“IHU mushuk añawka ashtawan ñapash unkuy yallichik kan”, El Comercio willachi pankapi churarka.
Redacción Médica willachi pankapika IHU mushuk unkuy kan nin ashtawan Marsellapi tarishka, Francia kullasuyupi. Shinapash, taripakkunaka Aix-Marsella Hatunyachanawasipimi taripayta ruranakunrak.
B.1.640.2 añawtaka Camerún llaktamanta tikrakushka runapimi tarishka, Ómicron añwatapash yalli kan. Shinapash manarak yacharinchun kay añaw ashtawan unkuyta yachik kaktaka, mana yacharinchu mana tawka unkushkakuna tiyakpi.
Shinallatak kay añaw maypitak wiñárishkataka manrak yacharinchu, DW nirka.