Ecuador Chequeapi shuk taripayta rurarkanchik kallari covid-19wan unkushkamanta yachanckapak, ima pachapitak mamallaktakunamanta pushakkuna willachishka, decretota llukchishkamantapash.
Uruguay, illak punchakuna
Uruguay mamallaktamanta pushak 13 pawkar killapi chusku covid-19wan unkushkakuna charirka, Ministerio de Salud Pública shuk willachita llukchirka. Chaykuna Milán, Italia mamallaktakunapi kashka, 3, 6 pawkar killapi Uruguayman tikrashka. Chay punchapillatak llaki unkuypacha nishpa decretota llukchirka, yachawasikunata wicharka, tukuyta wicharka «operación todos en casa» nishkawan tukuy chay mamallaktamanta runakunata tikrachun sakirka.
Guatemala, shuk puncha
6 pawkar killapi llaki unkuypachapi kan, nishpa willachirka. 13 pawkar killapi Ministerio de Salud Pública y Asistencia Social (MSPAS) kallari unkushkamanta willachirka. Unkushkaka shuk runa 27 watayuk, Quinché llakatamanta, Europamanta tikramushka kashka. 20 pawkar killapi decretota llukchirka “toque de queda” 16:00 pachamanta 4:00 kaman.
Paraguay, ishkay puncha
7 pawkar killapi, ministro de Salud, Julio Mazzoleni shuk unkushka tiyan nishpa willachirka. Unkushkaka shuk kari 32 watayuk, Asunciónmanta, 3 pawkar killapi Ecuadormanta tikrashka. Decreto llukchirka 9 pawkar killapi Covid-19 unkuyta harkankapak. 16 pawkar killapi “toque de queda”.
El Salvador, kimsa puncha
11 pawkar killapi, Salvador mamallaktamanta pushak, Nayib Bukele, decretota llukchirka ama llukshichun. 18 pawkar killapi shuk unkushkamanta willachirka, Italiamanta tikramushka kashka. 21 pawkar killapi Bukele decretota llukchirka wasipi sakirichun 30 punchakaman, shinallatak unkushkakunata maskankapak
Venezuela, kimsa puncha
13 pawkar killapi Venezuela mamallaktamanta katik pushak, Delcy Rodríguez kallari unkushkakumanta willachirka. Unkushkaka shuk warmi 41 watata charik, Italia, Estados Unidos, Españapipash kashka. Shuk kari 52 watayuk Españamanta shamushka. 16 pawkar killapi “cuarentena total” kachun shuk decretota llukchirka.
Honduras, pichka puncha
11 pawkar killapimi kallari unkushkakunamanta yacharirka. Ishkay warmikuna 42 watayuk, 37 watayuk Españamanta, Suizamanta chayamushkakuna. Chay punchapillatak llaki unkuypachapi kanchik nishpa willachirka. 16 pawkar killapi “toque de queda” wakin llaktakunapilla tiyachun decretota llukchirka. 20 pawkar killapika “toque de queda” tukuy mamallaktapi.
Colombia, sukta puncha
6 pawkar killapi ministro de salud, Fernando Ruiz kallari unkushkamanta willachirka. Shuk warmi 19 watayuk Milánmanta chayamushka. 12 pawkar killapi Colombia mamallaktamanta pushakka wichankapak kallarirka, karu llaktamanta shamukpika mana llukshina nishpa sakirirka. 25 pawkar killapi covid-19 unkuyta harkankapakka ama pipash llukshichun willachirka.
Bolvia, kanchis puncha
10 pawkar killapi, ministro de Salud, Aníbal Cruz kallari ishkay unkushkakunamanta willachirka. Unkushkakunaka ishkay warmikuna 65 watayuk Santa Cruzmanta, shukka 60 watayuk Oruromanta. 12 pawkar killapi llaki unkuypachapi kakta willachirka. 17 pawkar killapi “toque de queda” nishpa willachirka.
Argentina, iskun puncha
3 pawkar killapi, kallari unkushkamanta ministro de Salud, Ginés González García willachirka. América Latina llaktamantaka Argentinami kallari covid-19wan wañushkata charirka. 12 pawkar killapi wichankapak kallarirka, shinapash 20 pawkar killapi ama pipash llukshichun, shinallatak yaykunakunata willacharka.
Ecuador, chunka ishkay puncha
Ministerio de Salud Pública (MSP), 29 panchi killapi shuk Covid-19 unkushka tiyak willachirka, «karumanta shamushka» kan, nirka Catalina Andramuño, pushak. Unkushkaka Ecuadormanta shuk Warmi, 71 watayuk, España mamallaktapi kawsak kashka, paymi Guayaquilman chayashka 14 panchi killapi, shinapash chay pachapika mana ima síntomas charishkachu. Llaki unkuypacha 12 pawkar killapi willachirka.
Lenín Moreno, Ecuadorpa pushak «toque de queda» decretota llukchirka, unkuyta harkankapak nishpa. Tukuyta wicharka, wakin ashtawan mutsurishkakunatalla paskariya sakirka.
Kallaripika «toque de queda» 21:00 pachamanta, 05:00 pachakaman karka. 13 pawkar killapi ashtawan Guayaquilpa s 16:00 pachamanta, 05:00 pachakaman sakirirka. 21 pawkar killapi 19:00 pachamanta, 05:00 sakirirka, shinapash Guayaquil, Santa Elena shuk pachakunapi. 25 pawkar killapika, tukuy mamallaktapak 14:00 pachamanta, 05:00 pachakaman sakirirka.
Costa Rica, chunka ishkay puncha
6 pawkar killapi, ministro Daniel salas kallari unkushkamanta willachirka. 18 pawkar killapi yaykunakunata wicharka. 1 aymuray killapika asha asha ña wakin llankaykunata paskankapak kallarirka.
Perú, chunka ishkay puncha
6 pawkar killapi, Limapi kallari unkushkamanta willachirka. Shuk kari 25 watayuk, Españapi, Franciapi, Repubica Checa llaktakunapi kashka. 18 pawkar killa “toque de queda” kachunmi decretota llukchirka.
Panamá, chunka pichka puncha
10 pawkar killapi kallari unkushkamanta willachirka. Shuk kari 40 watayuk, España mamallaktamanta tikramushka. 25 pawkar killapi, Laurentino Cortizo, Panamá mamallaktapa pushak “toque de queda” tukuy puncha, tukuy tuta kachun decretota llukchirka.
República Dominicana, chunka sukta puncha
1 pawkar killapi, kallari unkushkamanta willachirka. Unkushkaka shuk kari 62 watayuk, Italia mamallaktamanta kashka, Milánmanta shamushka purinkapak, shinapash payka 22 panchi killamanta Republica Dominicanapi kashka. 17 pawkar killapi yaykunakunata wicharka. 20 pawkar killapi, Republica Dominicana mamallaktapak pushak, Danilo Medina “toque de queda” kachun shuk decretota llukchirka.
Chile, chunka iskun puncha
Jaime Mañalich, Ministro de salud pushak kallari unkushkamanta 3 pawkar killapimi willachirka. Unkushkaka shuk hampik, 33 watayuk Singapur, Malasia, Indonesia, Islas Maldivas shinallatak Españapipash purikushka. 18 pawkar killapi llaki unkuypachapi kashkata willachirka. 22 pawkar killapi “toque de queda” kachunmi decretota llukchirka.
Cuba, ishkay chunka ishkay puncha
11 pawkar killapi, Cuba mamallaktamanta Ministerio de Salud Pública kallari kimsa unkushkakunamanta willachirka. Toque de queda mana tukuy mamallaktapi churashkachu, wakin llaktakunapi maypi ashtawan unkushkakuna tiyakpilla.
Mexico, ishkay chunka kimsa puncha
27 panchi killapi, kallari unkushkamanta willachirka. 18 pawkar killapi, shuk killa kipami imatatak rurana, imashinatak covid-19 unkuyta harkanamanta willachirka. 21 ayriwa killapi Claudia Sheinbaum, jefa de gobierno mana “toque de queda obligatorio” nirkachu, wasipi sakirichun mañaytalla mañarka.
Nicaragua
18 pawkar killapi, kallari unkushkamanta willachirka. Unkushkaka 40 watayuk Panamá mamallaktamanta shamushka kashka. Mana imatapash wichashkachu, “toque de queda” mana nishkachu, runakunapa llamkayta mana harkayta usharinchu nishpa.
Brasil
26 panchi killapi, kallari unkushkamanta willachirka. Jair Bolsonaro, Brasil mamallaktapa pushak mana ima decreto llukchishkachu. América Latina llaktamantaka Kay mamallaktami ashtawan llakipi kan.