Wañuchinkapak munashkamanta kamachi killkak huchachirkami, shinapash Lassomantaka mana rimarkachu

Gissela Molinaka antawapi llaki apashkamanta willachirka, payta willachikkunapash chukrishkakuna kan nirka. Leonidas Iza shinallatami huchachirka.

Correistakunaka raymi killapi Guillermo Lassota llukchinkapak mañarkakuna, chay pachakunapika hatariykuna kallarishka, chaypimi wakin kamachi killkakkunaman mañakurka akllachun. Gissella Molina, Pachakutikmantaka mana chay mañayta arinirkachu; Correístakunaka mana paktachirkachu Lassota llukchinkapak.

Facebook pankapika Molina “Mamallaktapa pushakta yanapashpami akllashka”,  wañuchinkapak munashka nishpami Leonidas Izata huchachikun, Lassomantaka wañuyta ushanmi  nishpa shuk willaypi llukchirka. Chay willayka umachinkapakmi kan. Molina chay llakimanta nirkami, Izata huchachirkami, Lassomanta mana akllarkachu; shinallatak Lassomanta wañuyta ushanamantaka mana nirkachu.

Ecuavisa, El Universo shinallatak El Comercio kamachi killkak nishkataka shuk willaypi llukchirkakuna. Quitomanta La Manáman rikushpami antawapi llaki apashka nirka. Paypa willachikkunapash hampinawasipi kan nirka.

Mamallaktapa tantanakuypi  manchachinkapak huk uyarikunata kachamushka  Lassoman llukchinkapak nishpa nirka. Chay uyarikunapika nin: “Mañani, kamachi killkakkunapa markapi, wasipi rikuriya kana kanchik; paykuna Mamallaktapak pushakta llukchinkapak nikpika”. Fiscalíaman mañani chaykunamanta taripayta rurachun, nirka.

El universo llukchishka willaypika antawaki llaki apashka wakin runakuna harkashkamanta shinallatak “hatushka” “umachik” nishpami kaparishka, “kullkita hapishkata tikrachichun”shina nishpami kaparishka nirka. Shinallatak, Cotopaxi markamanta tantanakuy shuk pankapika chay llakimantaka payllatak rikuchunmi mañashka nin.