Iza chayta mañashkataka mana ima taririnchu
Redes socialespi shuk kuyukshuyuta yallichinakun. Chay kuykshuyu tiyanmi, shinapash mana chay mañayta rikurinchu.
Panchi killapi mamallaktapi akllaykuna kanka. Jorge Yunda Quitopa pushak kankapak mashkakun, Guillermo Churuchumpika Pichinchapa markapak pushak kankapak mashkakun shinallatak Carla Cevallos Pichinchapa katik pushakpak kan. Tukuy Pachakutikwan tantanakushka kan.
Twitter pankapika Conaie pushak, Leonids Izaka, Guillermo Churuchumbipak, Jorge Yundapak shinallatak Carla Cevalospa akllaykunapi yanapachun mañakun nin. Chay willayka umachinkapakmi kan. Chay kuyukshuyu tiyanmi shinapash Iza mana chay mañayta rurashkachu.
Ecuador Chequea Guillermo Churuchimbiwan rimarka, chay kuyukshuyuka Leonidas Izawan shuk rimanakuy charishkamantami kan, chayka wamprakunaman shuk mikunaman kayachishkamanta kan nirka.
Kuyukshuyuka Carla Cevallosmi llukchirka, paypa Pichincha markapa katik pushak kankapakmi Tik Tokpi churarka. Chay kuyukshuyupika Cevallos Churuchumbiwan, Izan napanakukta rikurin.
Shinapash, Conaie tantanakuypa pushak Pachakutikmanta campañata rurakuktaka mana rikurinchu. Tukuri kuyukshuyupika Iza, Churuchumbi, shinallatak Cevallos shuk mikuna ukupi tushunakun. Shinallatak, Jorge Yundatapash rikurin.
Kuyukshuyupi shuk killkay tiyan, Pichinchata ña mushukyachinkapak shinallatak mikuna ukupa shutita, Izata shinallatak Churuchumbimanpash shutichin. Carla Cevalloswan rimankapak kayachirkanchik, shinapash kay killkayta tukurinkakaman mana kutichirkachu.