OMS tantankuyka llaki unkuypacha ñami tukurinka nirka
Covid-19 unkuywan mana mirakukpi shinallatak mana tawka wañushkakuna tiyakpimi shina nin. 2019 watapi, Wuhanpi, Chinapi unkuy wacharirka. Kipaka, SARs-CoV, Covid-19 unkuy shutiwan riksirirka.
Twitter pankapi OMS tantanakuyka Covid-19 llaki unkuypachaka ñami tukurikrin nin. Chay willayka shinami kan.
France 24 shinallatak CNN 14 kuski killapi willachirkakuna, Tedros Adhanom Ghebreyesus, OMS pushak nirka “llaki unkuypacha mana tukuri shina karka”. Kay hunkaypika 11.000 runakunami covid-19 unkuywan wañushka, pawkar killa 2020 watawan rikushpaka mana tawka kanchu, ima shina tukuy mamallaktakunapi rikurikurka.
ONU tantanakuymantaka 3,1 hunu runakuna unkushkakuna kay tukuri hunkaykunapi tiyashka nin; chayka, 28% unkushkakuna.
“Yallishka hunkaypika, 2020 watapi pawkar killawan rikushpaka mana tawka unkushkkakuna tiyachu. Mana shina pachapi kashkanchikchu. Manarak chayanchik, shinapash llaki unkuypacha ñami chayakrin”, OMS tantanakuypa pushak nirka.