Mamallaktapa pushakka mana chayta nishkachu, yachachikkunaman yanapankapak kullkika USD 200 kan
Lassoka LOEI kamachitaka tukuyta harkarka. UNE tantanakuyka 28 ayriwa killapi ñankunaman llukshinka nirka. Shuk rimanakuypika yanapankapak kullkimanta shinallatak yachachikkuna yachaykunamanta, llamkaykunamanta hawaman rita ushanmi.
12 watamantami yachachikkunaman masna kullkita llamkashkamanta kunata rikushka. 2021 watapi UNE tantanakuy LOEI kamachimanta shinallatak jubilacionmantapash mañashpa shuk hatariyta rurarka. Yallishka hunkaypi, yachachikkunapa punchapimi Guillermo Lassoka wakin yachachikkunapa tantanakuywan shuk tantanakuyta rurarka.
Chaywanmi Facebook zirmapankapika Lasso rimanakuyta rurarka shinallatak yanapankapak kullkitapash arinirka. Chaypillatak nikun “chaykan upallayachun shinallatak ama piñachichun”. Chay willayka umachinkapakmi kan. Chay yanapankapak kullkikaka 10 waranka yachachikunpakmi nirka. Shinapash, upayachun shinallatak ama piñachichunka mana Mamallaktapa pushak nirkachu. Shinallatak, UNE tantanakuyka hatariy ruranamantami willachirkami. Yanapankapak kullkika mana chaylla kanchu yachachikkunaman shuk yanapaykunamantapash arinirka.
Carondeletpi, 15 yachachikkunapa tantanakuykunami Lassowan rimarka; Yachay kamaywasipa pushak, María Brown, Francisco Jiménezpash chaypi karka. Chay tantanakuyka mutsurishkakuna, ruraykunata rikunkapakmi karka. Shinapash, mana alli llukshishkachu.
UNEka mana arinishpa chawpi tantanakuymantami llukshirka. Lasso LOEIta tukuy harkakrin nikpimi, Isabel Vargas UNE tantanakuypa psuhakka Carondeletmanta llukshirka. Chay harkaykunamantaka, Guadalupe Llori Mamallakta Tantanakuypa pushakta willachirka. Ecuadorpa pushakka, 368 shinallatak 369 nikikunapi mana kachita katinakun nirka. Chay mushuk kamachipika 2.5 llamkashka killapi kullkiwan kallarinka, chayka 1.000 kullki kan.
Finanzasmanta kamaywasika, kay pachapika yapa kullki kan nirka. Shinallatak Mamallakta Tantanakuymanka Finanzas Kamaywasimanta llmakashkamanta kullkita mirachinkapakka mana arinishkachu nishpa kutichirka. Shinapash, shuk tantanakuykunawan rimanakuy katirka. 2.102 yachachikkuna ascenso charishkakunamanka llamkashkamanta kullkipi mirachinka nirka. Shinallatak shuk Decreto pankata arinirka 10.000 yachachikkunaman covid-19 unkuypachapi yapankapak kullkita mana chaskishkakunamanka USD 200 kullkita kunkapak.
UNE tantanakuyka chay yanapankapak kullkika LOEI kamachipimi tiyakun nirka. Shinapash, maykankuna ascenso charishkakuna llamkashkamanta kullkita mirachinamantaka LOEI mushukyachishka kamachipi ñami kashka nirka.
UNE tantanakuyka hatariyman 1 aymuray killapak kayachikun. Chay rimanakuypika shuk killa chaypi sakirka yachachikkunapa tantanakuykuna mushuk yuyaykunata Kamachipak churachun.