Jorge Yundapa panika mana akllaykunapi kankapak yuyashkachu nin
TCE kamaywasi Jorge Yunda hayñikunata anchuchikpi, paypa pani Lili Yunda akllaykunapi kachun nishka. Shinapash, payka mana chayta yuyashkachu. Yallishka hunkaypika, Tribunal Contencioso Electoral (TCE) Jorge Yundatak hayñikunata kichurka, chaymanta 2023 watapak Quito akllaykunapika mana kayta ushanchu. Kayka Santiago Guarderas (Quitopa pushak) huchachita churakpimi shina llukshirka. Facebook pankapika Jorge Yundaka paypa pani akllaykunapi kachun maskakun paypa ranti richun nin. Chay willayka mana achiklla kanchu.
Jorge Yundaka “La Posta” willay tantanakuypimi shuk tapuykutichita charirka shinallatak nirka: “tantanakuykunami arininka, paykunami ñukapa ranti richun maskanka”, shinallatak, paypa pani akllaykunapi kachun ushanatapash rikun, shinallatak nirka “payka mana ima harkayta charinchu”.
Shinapash, Lili Yunda, La Horamanka Quito pushak kankapak mana yuyarishkachu nirka.
Pachakutikka imatatak nin
Marlon Santi, Pachakutik tantanakuypa pushakka, kay tantanakuyka Antonio Ricaurte Quitopa pushak tukuchun akllaykunapi kachun rikushka nin. El Comercio pankapika, Pachakutikka ñami akllaykunapi kachun mañashka shinallatak kunan, kaya puncha rimanakuypi yacharinka.