Vacunarishkakunamanta shinallatak unkushkakunamanta yupaykunata rikunakun chaywanmi 92% kakta rikurinka.
Ecuador mamallaktaka llaki unkuypacha kipamanmi ñankunata maskakun. Ama unkunkapak harkaykunata shinallatak kay pawkar raymipa mana ima harkaykunata churanamantapash rikunakun.
Kay rimaymantami, Bachillerato TV Facebook pankapika Hampi Kamaywasipa pushak, Ximena Garzónka, 92% runakunami covid-19 unkuymanta harkashka kan nishpami shuk willayta llukchirka.
Chay willayka mana achiklla kanchu, Garzón chay yupaykunaka “taripaymi kan”nirka, shinallatak, chay killkashkapika taripaypi kakta willachikunmi, shinapash rikchapika shina nishkata rikurin.
Garzón pushakka EFEpa shuk tapuykutichipimi nirka “Ecuadorka shuk taripaypimi kan 92% runakuna covid-19manta harkashkakunachu yachankapak”, shinallatak Hampi kamaywasipa willachi ukumantapash Garzón chayta nishkami nirka.
Garzón EFEman nirka “tawka vacunarishkamantami kulla killapi unkushkakuna mana tawka tiyarka shinallatak hampiwasikunapa kawitukunapash mana hunta kanchu 65% kashkamantaka 28%kama paktarka, shinallatak 89% kashkamantaka 45%kama chayarka”.
Chay tapuykuchipika EFE nirka:
- 92% unkushkakunachu
Garzón kutichirka:
- Yupaykunaka, manarak taripashka kanchu shinallatak punta yupaykunamanta kan, vacunarishkamanta shinallatak Ómicron mushuk unkuywan unkushkakunawanka 92% mamallaktapi kanka”.
Chay taripaykunaka mashna runakuna chay unkuywan unkushkakunatami rikuchik.
Wakin runakunaka mana hampi kamawasipi killkarishka kanchu mana taripayta rurashkamanta, shinallatak mana hampipaman chayakkunapash.