4802 runakulla illakun unkuypachapi shina paktachinkapak
Kulla shinallatak ayriwa killapi 2019 watapika 119.834 Estados Unidosmanta Ecuadorman chayarka purinkapak shinallatak 2022 watapika 115.032.
Guillermo Lasso, paypa llamkaymanta mamallaktaman willaypika chaytami nirka. Mamallaktapa tantanakuypi kashpaka 100% tantachishka Estados Unidosmanta purikkunamanta nirka. Chayka mana achiklla kanchu. Ministerio de Turismoka 2019 watapi ashtawan tiyashka kulla killamanta ayriwa killakaman rikushpaka nirka. Chayka manarak llaki unkuypacha kakpimi karka. Chaymantami 96% tantachishka mana 100% imashina Guillermo Laso nishka.
Chay yupaykunaka pipash rikuyta ushanmi Ministerio de Turismo pankaman yaykushpa rikuyta usharinmi. 2020 watamanta kay pachakama rikuyta usharin, Estados Unidosmanta ashtawan ecuadorpi purinkapak shamushkakuna.
2019 watapi, 119.834 runakunami Estados Unidosmanta kulla killapi shinallatak ayriwa killapi chayamurkakuna.
2020 watapika, Estados Unidosmanta purikkunaka ashtawan karka, shinapash 80.164 yupay urayman rirka, chayka unkuypachamanta karka. Shinapash 2021 watapi, kulla killapi shinallatak ayriwa killapika ashtawan urayman rirka 51.040 runakunaman chayarka.
Kulla killapi shinallatak ayriwa killapi 115.032 runakunami Estados Unidosmanta chayamurka, chayka 2019 watawan rikushpaka 4802 ashtawan urayman rishka.
