Kushillupa viruela unkuypakka sasi killapimi churakrin
Francisco Pérez, Hampi kamaywasimanta rikurayay ukumantaka 5.800 vacunakuanta rantishka ashtawan mutsurishkakunaman nirka. Viruela unkuywan kashpaka: karata chukrichin, makipi, chakipi, ñawipi, shimipipash chukrichin; rupari unkuy, uma nanay, shaykuytapash kun nin. Chaytaka CDC kamaywasimantami shina nin.
Facebook pankapi Ecuadorpika kushillupa virula unkuypak vacunakunata hampikkunaman shinallatak unkushkakunamanpash churakrinmi nin. Chya willayka shinami kan, ishkay hunkaypika ñami churarinka hampi wasimanta nirka, shinallatak 185 unkushkakuna tiyan. Chay willayka shinami kan.
El Universo, El Comercio shinallatak Ecuavisa willachikunapipash 6 wayru willapika 1800 vacunakuna chay unkuypak chayashka shinallatak sasi killapi chirakrinmi nirka. Francisco Pérez, hampi kamaywasimanta rikurayayka chay vacunaka $120 kan nirka shinallatak 5.800 vacunakuna hampikkunapak shinallatak unkushkakunapakpash nirka.
Sasi killamanta churankapak kallarinka. Pérezka mana ashtawan rantinkapak usharinchu tukuy mamallaktakunapi mana tiyanchu nirka. Shinallatak, markakunapi mashna unkushkakuna tiyakta rikushpami kunka nirka.
Kamarinkapakkka: makita mayllarina, shimi killparinata churakuna shinallatak unkushpaka hampiwasiman rina kan nirka.
12 wayru killapika, Hampi kamaywasimantaka 185 unkushkakuna tukuy mamallaktapi tiyan nirka. Pichinchapi 63 unkushkakuna, Guayaspi 61 shinallatak 19 Azuaypi. Chay markakunapimi ashtawan unkushkakunami tiyan. 89% karikuna kan, 11% warmikuna. 185 unkushkakunamantaka, 67 ñami hampiwasimanta llukshishka shinallatak 308 kimiriya kashkakuna wicharishpa katina kan.