Chay 3 hunu kullkika Fiscalía taripamantami llukshin
Shuk llamkayta kunkapakka chaytami mañashka. Mamallaktapa pushakka, kunankaman chaykunamantaka karuyashka kan. Juan José Pons wasipimi maskarkakuna.
Chaska puncha yallishkapimi, Fiscalíaka Danubio nishka taripaymantami riksichirka. Pusakpuratami hapirka, Kamaywasikunapi llamkayta kunakapak kullkita mañanakushka. Chunka killa puntalla chay taripayka kallarirka.
Facebook pankapika shuk rikchata yallichinakun chaypika nin: “Ña hapiktukurkakuna: 3 hunu kuykipak llamkaykunata katukkashka. Chay willayka umachinkapakmi kan. Chay rikchakunapika Lasso shinallatak Juan José Pons rikurin. Shinapash chay 3 hunu kullkimantaka Fiscalía taripaymantami llukshirka, chay rikchaka shuk yuyaytami kun.
Ponska mamallaktapa pushakpak yanapak karka shinallatak paypa wasipi maskarka 21 sitwa killapi. Tukuy taripayta rurashkamanta pusak rurankunatami hapirka. Shinami fiscalía nirka.
Mamallaktapa pushak, kunankamanka mana ima chay taripaymanta nishakchu shinallatak paypa pushakkunaka “mana paykunapura llamkayta kunakushkachu”. Shinallatak, alli taripayta rurachun mañarka. Shinami redes socialespi llukchirka.
Fiscalíaka imatatak nin
Fiscalíaka pusak runakunamanmi hucahchirka. Taripaymanta llukchishkamantaka paykunaka Talento Humano pushkakunatami maskakkashka, ashtawanka Senae Aduanas kamaywasimanta.
Pushak tukuchun maskakkashka katunkapak rantinkapak ukukunapi kachun. Chayta rurankapakmi 3 hunu kullkita Senae pushakta kunkapak munashkakuna.
SENAE kamaywasika chayta Fiscalíaman willachishka, shinami taripayta rurankapak kallarishka.
Kunankamanka wasikunaman yaykushka taripayta katichinkapak: Guayas, Pichincha, Chimborazo shinallatak Azuay markakunapi. Chaypika celularkunata, kullkita, nikichikkuna, pendrives, panakuna chay huchachishkakunamanta tarishka.