Glaska mana chay uchillantankapi karkachu, rikchakunata shuktakyachishkami kan
Chay rikchakunaka Mamamallaktapa Chapakkunapami kan, shuk uchillantankata tarishka. Shinapash, Glas mana chaypi karkachu. Jorge Glas punta katik pushakka pusak watapakmi wichaywasiman kacharka. Pichka watami wichaywasipi karka, chay kipaka shuk habeas corpustami rurashka shinami wichakaywasimanta llukchirka.
Chay willaywanmi Facebook pankapika shuk rikchakunata churashka Chapakkunaka Glas uchillantankapi kallpakukpimi hapishka nishpa. Chay willayka llullami kan. Santa Elenapi shuk uchillantankata tarirkami, shinapash mana runakunata tarirkachu. Shinallatak, Glaspa rikchaka 2017 watapi, Quitopa wichaywasiman chayakukkpimi llukchishka kan.
Mamallantapa Chapakkunaka shuk uchillantankata Tugaduajapi Chanduy kushkapi Santa Elenapi tarishkata willachirkami. Maskaykuna kallarirka, chaypimi shuk Chevrolet antawata, 3 GPS, illapamuyukunata, shinallatak 1800 kullkitapash tarishkata willachirkami.
Kipamanka, chay antawapika 222 cocaína kipikunatapash tarishka. Kamaywasika tutamanta uchillantankamantaka 500 metros karullapi shuk michakuna ñankunapi hapirishkakunata tarishka. Chayka antanka apakkuna rikuchunmi kan. Servicios Antinarcotismantaka chay antawapi 6 runakunata tarishka nirka, shinapash katinakushka chaymantami antawataka sakishpa rishka.
Criminalística antankapika hawapi killparinkapak churashka matriculata ama rikurichun nirka. Shinallatak kullkita, willikunata, illapamuyukunatapash tarishka.
Facebook rikchakunata churashkataka Googlepi maskarirka, chayka Glas rikchaka mana kaypachapa kanchu, 2017 watapi llukchishkami kan. Chay rikchaka Quito wichkaywasiman yaykukukmi llukchishka.
Chay rikchaka wakin willachi tantanakuykunapimi llukchirka Glas antawamanta uriyakukpi. La Historia pankapashmi kuyukshuyuta llukchirka:
Chapakkunapa willachi ukupash Ecuador Chequeaman mana Glasta chay antanakapi tarishkachu nirka.
