Conaiepa pushakmanta Lasso chayta nirkami
Tantanakuykuna hatariy rurankapak llukshinkapak ninakukpimi Lassoka rimarirka. Guillermo Lasso wakin kutinmi Leonidas Iza, Conaie tantanakuymanta rimarishka. 2021 watapika “anarquista”nishpami rimarka. Chaywanmi, Twitter pankapi shuk rikchata llukchishka paypa ruraykunata katikun. Chay killkaypika, Izataka mana iñinachu payka kallari puncha mamallaktapa pushak tukushkamantami ñankunaman llukshikun shinami tukuchinkakaman katinka, payka 2025 watapi mamallaktapa pushak tukunkapakmi shina rurakun. Chay willayka shinami kan; Lasso, chayta nirkami.
Leonidas Iza shinallatak Conaie tantanakuymi Mamallaktapak pushakkta wakin killa mana nishka. Kallaripika combusteblekuna ashtawan kullkipak kakpi, chaymanta 2019 watapi hatariyta rurarkakuna.
Shuk tapuykutichipika, Izaka Mamallaktapa pushak runakunawan tantanakushkami shinapash mana alliyachirinchu nirka. Tantanakuykunaka alli kan, mañaykunamantami kan. “Mamallaktapa pushakka karu mamallaktakunawanmi katunkapak rantinkapak arininkapak munan. Shullunamanta kamachimantapash, llakichishkakunata kamachun mañarkanchik; shinapash, Kamaywasimanka shuk kamachita apashka”, nirka.
20 aymuray killapika, mamallaktata llakipi kakpi, llakichinakukpimi”
Conaie tantanakuyka shuk hatariyta rurankapak kayachirka. Chay hatariyka 13 raymi killapimi kallarinka.
Shuk tapuykutichipi “Encontrémonos por la ciudadanía”, Lasso pushakka Leonidas Izataka mana iñinita usharinchu nirka. “payka kallari puncha mamallaktapa pushak tukushkamantami ñankunaman llukshikun shinami tukuchinkakaman katinka, payka 2025 watapi mamallaktapa pushak tukunkapakmi shina rurakun”, nirka. Lassoka, Conaie tantanakuykapaykunapaklla rurayta charin ashtawanka shukpaklla nin.
