Mamallaktapa pushakmanta Leonidas Iza hatariyta rurankapak kayachirkami. Wanra punchapi, Guillermo Lasso paypa llamkaymanta tukuy mamallaktamanta runakunaman willachirka. Chay rurayka ishkay sayllami pararka, Lasso pushakka vacunakunamanta, kullkikamaymanta shinallatak llakichikkunamantapash rimarka. Chay punchallatami, Conaie tantanakuypa pushak, Leonidas Izapash paypa llamkaymanta tukuy tantankuykunaman riksichirka. Chillay punchapika, Facebook pankapi “13 raymi killapi Quitopi harkaykuna tiyanka, chaymanta tantanakuykunaman imatapash apana ñukanchik harkankapak”, Leonidas Iza nishka nishpami llukchirka. Chay willayka llullami kan.
Ecuador Chequea chay rikchata maskarka shinapash Plan V pankapimi Izapa rikchata rikurirka.
Chay killkaypika El comercio llukchishka shina rikurin. Shinapash, chay pankapi rikushpaka Izamanta llukchishkata mana tiyanchu.
Mana ashtawan willaykunapi tarirkachu, Izapa pankakunapipash mana chayta nishkachu. Ecuador Chequea Izawan rimankapak kayachirka, shinapash mana kutichirkachu.
13 raymi killapi hatariy tiyakrinmi
Shinapash, imashpatak Leonidas Izaman shina rikchakuta llukchinakun. Wanra punchapi, Izaka 13 raymi killapi tukuy mamallaktapi hatariy tiyanka nirka. Shinallatak tantanakuykuna hatariyman llukshichun mañarkami.
“Frente Unitario mashikunaman, Llamkakkunaman, tantanakuykunaman, UNE tantanakuyman shinallatak tukuy tantanakuykunaman kutin kayachini”, Conaiepa pushak nirka.
