Hampimanta tantanakuy OMS chuskuniki taripaykuna yallina kan nin. Chay taripaykunami alli kakta hampiktapash rikun.
Twitter pankapi kulla killapi kallari taripaykuna argentinapa vacunamanta kallarinka nin. Chay rikachipika ARVAC-Cecilia Grierson shutichishkata willachin. Chay willayka shinami kan.
Angertina pankapika shina nin. Chay vacunapa shutika Argentinamanta hampikmantami churashka. Chay mamallaktapa Yachaypa kamaywasika, chay kallari taripaywanka runakunawanmi taripashpa kallarinka nin.
Chay willachi pankaka, Daniel Filmus, chay kamaywasimanta, nirkami chay kallari taripaykunaka 2021 tukuri watapimi tukuchinka. Shinallatak 2022 watapika shukniki taripaywan katinka.
Vacunakunaka Argentinapi San Martín hatunyachanawasimi rurakun shinallatak Conicet, Cassará taripay ukukunawanpash. Kallari taripaykunapika alli kakta rikuchirkami chay unkuyta harkankapak shinallatak ña tukuri taripaykunapimi kan.
Kamaywasika twitter panakapi llukchirka, Hampi kamaywasikunawan tantanakuyta rurarka shinami maypi chay vacunata rurakuk kuskata taripay ukupi purirka.
