Mamallaktapa pushakka mana Catarman rikrinchu, Borreromanmi minkakun
Guillermo Lassoka rumpa pukllaypa kallariy ruraypak kallachishka karka, shinapash mamallaktapi llakikuna tiyakpimi mana rikrinchu. Copa Mundial Catar 2022 pukllaykunaka 20 sasi killapi kallarin shinallatak 18 kapak killakaman. 22 niki pukllaymi kan.
Facebook pankapika shuk rikchata yallichinakun:”Alfredo Borrero Tri kallari pukllaypi kakrin. Chay willayka shinami kan. Mamallaktapa pushak, Guillermo Lassoka shuk willayta llukchirka paypa rantika shukman kachankapak.
Willachiy kamaywasika Lasso mana Copa del Mundo kallariy rurayman rikrinchu nin, chaytaka 20 sasi killapimi kallarin, Ecuadormi Catarpi pukllakrin. Mamallaktapa pushakka mamallaktapi llakikuna tiyakpimi mana rikun.
Paypa rantika mamallaktapa katik pushak, Alfredo Borreromi rikun, “mamallaktapi sshutipi chaypi kachun”, Lasso nirka.
Chay willachipillatak Mamallaktapa pushakka nirka: “Chay kayachimanta yupaycharkanimi. Nirkanimi imashpatak mana chay kallariy ruraypi kakrini”.
Ecuadorka llakipi kan, tukuri punchakunapi wakun llakikuna, makanakuykuna tiyasha. Shinapash Guayas, Esmeraldas, Santo Domingo markakunapimi shina karka.
Lassoka ishaky kutinmi Karu mamallaktaman rinata sakirishka. Kallaripika 2 shinallatak 6 sasi killapi Estados Unidosman rina karka, paypa aylluwan kana karka.
