Kamaywasika wasita rurankapak killkarikunata redes socialespi mana rurakunchu
Wakin pankakunapi shinallatak Facebook pankapi chay llamkayruraypa killkarikunata yallichinakun. Mamallaktapa kamaywasika mana ima willaykunta llukchishkachu.
Mamallaktapa kamaywasi wakin yanapaykunata willachishkami shinallatak mana charikkunapak kullkiwan yanapankapak. Chaykunata hapishpami wakin llulla willaykuna, umachinkapak willaykunata yallichinakun.
Facebook pankapika “Bonos y Pensiones MIES”nishkatami llukchinakun. Chaypillatakmi shuk pankaman yaykuchin Wasita runrankapak llamkayñan killkarichun mañan. Chay willayka umachinkapakmi kan.
Chay pankaman yaykushpaka wakin willaykuna tiyakun, chaypika www.conmicelu.com panka kan, chayka mana mamallaktapa kamaywasipa panka kanchu. Chay pankapika, Miduvi ima ruraykunata charinamanta willachin, shinallatak shuk panka wasita llamakayruraypa killarichunpash.
Chay pankaman yaykushpaka Miduvi killkari pankaman yaykunmi, shinapash chaypika shutikunata yaykuchinkapaklla kan willachikun “Mana wasita charinkapak kanchu”.
Ecuador Chequea Kamaywasiman chay killkari pankamanta tapurkami. Paykunaka mana chay willayta llukchishkchu nin shinallatak redes socialespi mana chay mañaykunata llukchinchu.
Shinallatak, chay willaykunaka Facebookpi shina yallichin, wakin llulla pankakunatapash tarishka, WhatsApppipash wakinpika “wasita charichun”nishpami kullkita llukchishka. Miduvika mana ima kullkita mañanchu ima ruraykunapak shinallatak runakuna ama llullaykunapi urmachun mañan.
Miduvimantaka llulla willaykunata harkankapak wakin ruraykunata paktachishka.
Chay killkari tiyanmi shinapash wakin shutikunata churanchunllami kan mana ima mañaykunaman yaykunchu, chaypi killkarishpaka mana ima paktayta charinchu nin.
Chay wasikunata rurankapak yanapaykunamanta, killakarikunamantapash tiyanmi, shinapash Miduvi mana chay willayta llukchishkachu nin.
