Villavicencio huchachirkami shuk vallapi Correa rikcha kashkata shinallatak anchuchirkami
Akllay pachakunaka kulla 2023 watapi kakrin; CNE kamaywasika vallakunata puntalla churakpika anchuchichun mañarka. 5 panchi killapi 2023 watapi, runakunaka pushakkunata akllanka, chaypimi 5.683 pushakkunata akllarinka.
Facebook pankapika shuk rikchata yallichinakun: “Fernando Villavicencio tukuy mamallaktapi vallakunapi Rafael Correapa rikchawan kakpika anchuchikun”. Chay willayka llullami kan. Villavicencio paypa kankapi huchachirkami, shinapash payka mana “anchuchinkapak ushanchu”.
Manabí shinakuna tiyarkami. Chaypimi vallapika Rafael Correapa rikchata churashka, chay rikchapika Leonardo Orlando, Revolución Ciudadana tantanakuymanta Manabí markapa pushak tukunkapak akllaykunapi kakrin. Chay rikchapika Rafael Correa Orlandota ukllashpa rikurin. Correaka kunanka Belgicapi kan, chaypimi kawsakun, payka shuk huchachita charin shinallatak mamallaktamanta kallparka.
Chaymanta wakin rimarikuna tiyarka. 12 sasi killapi, 23:05, Fernando Villavicencio shuk tuit llukchirka nishpa: : kallpashka shuwawan campañata rurayta usharinchu willachiwaychik”, chaypimi CNE kamaywasiman, Diana Atamain shinallatak Manabímanta CNEmanpash shutichirka.
Chay kipaka, Manabímanta CNE, shuk tuit kutichinkapak llukchirkanchik chaykunamanta willachirkami shinallatak chay publicidad anchuchirkanchik “akllaykunapak kamachita katichinakunmi”.
CNE kamaywasika 3 kulla killapimi akllaykunapak pacha kallarin shinallatak 2 panchi killapi tukurin nirka. Shinapash, wakin pushak tukunkapak maskakkunaka mana chayta katinakunchu.
