Mana mikushpa hatariyka Corte Constitucional ñawpapimi ruranakun
Yachachikkunaka LOEI kamachipi nishkata katichunmi mañanakun, chaypimi shuk shina killapi llamkashkamanta kullki kan. Chay hatariyka QUitopi shinallatak Guayaquilpipash kallarirka shuk kitikunapash katichun shuyanakun.
Panchi killapi, UNE tantanakuyka killapi llamkashkamanta kullkita mirachunmi Guillermo Lassoman mañarka.
Facebook pankapi shuk willayta llukchirka UNE tantanakuyka mana mikushpa hatariyman kayachikun killapi llamkashkamanta kullkimanta nishpa. Chay willayka shinami kan.
Shinapash, 10:00 pachapika Corte Constitucionalpi UNE tantanakuy hatariyta kallarinakurka.
2 aymuray killapika, UNE tantanakuyka kipa pachakunapi mana mikushpa hatariy kallarirkan nirka, shinami tukuykunapa killapi llamkashkamanta kullkita shuk shina kachun mañashpa, imashina EL Universo, Vistazo shinallata Ecuavisapash willachirkakuna.
Chay ruraykunaka Quitopimi 15 yachachikkunawan kallarirja, shinallatak Guayquilpipash, shuk kitikunamantapash katichun shuyanakun. “Mana mikushpa hatariyman kayachinchik killapi llamkashkamanta kullki shuk shina kachun, chaymi yachaypa hayñikunamanta, shina yachachikkuna alli llamkayta charichun”, shinami UNE tantanakuypak pushak Isabel Vargas nirka.
14 ayriwa killapi, Guillermo Lasso pushakka, LOEI kamachita harkarkami, Mamallakta tantanakuy yachachikkunapa llamkashkamanta kullki shuk shina kachun arinirkami, imashina El Comercio willachirka.
Chay kamachika yachachikkuna llamkashkamanta kullki 2.5 kaman chayachun karka, chayka $1.000 kan. Shinapash, Finanzas kamaywasipash yapa kullki kan nirka shinallatak chayta paktachinkapakka kamaywasikunatapash anchuchinami kan nirka.
