Tantanakuyka mamallaktapi hatariy tiyanamanta willachirka

Pushakkunaka shuk hatariy tiyanamanta willachinakun shinapash mana ima punchapak ninakunchu. Shuk tantanakuykunapash manarak imatapahs nishkachu. Ecuadormanta runakunapak tantanakuyka Guillermo Lassopa rruaykunata mana nishpami shuk hatariy tiyakrin nin. Shinapash ima puncha kanamantaka mana imapash nishkachu.

Facebook pankapika 21 kuski killapi shuk hatariy tiyanamanta ninakun, chayka   mana llamkay tiyakpi, shinallatak hampiwasikunapi mana hampikuna tiyakpi nin. Chay willayka umachinkapakmi kan.

Kuntisuyu, Punasuyu shinallatak Antisuyumantami pushakkuna tantanakuypi karka, chaytaka 5 kuski killapi Guayaquilpimi rurarirka.

“Mamallakta llakipi kakpimi, wakin ruraykuna illanakun shinallatak Mamallaktapa pushak mana paktachikpi”, shuk willaypi nirka chay tantanakuy. Manarak ima punchapak kakrin nishkachu, chay yuyayka tantanakuykunapi arininarakmi kan, nirka.

Shuk willaypika, raymi killapika Mamallakta pushakkunata shuk huchachita churanamanta nirka, Francisco Jimenézman, Bernardo Manzano, shinallatak Julio José Pradomanpash nirka.  Chay tantanakuymanta pushakka Richard Intriago kan, karway killapika, Guayas markapa pushak akllaykunapi kakrin nishpa willachirka.