Cristian, shuk mushuk wasita shinallatak yakutapash charikrinmi
Chay kawsayka redes socaikespimi llukchirka, wakin runakunami yanaparka chaymanta kunanka mushuk wasita shinallatak michata, yakutapash charin. Gualacemanta, Cristianka, 9 watayuk kan paypa misita katushpa yachakunkapak munashka. Chaytami Municipiopi llamkak sitwa killapi riksichirka. Paymi paypa kawsayta willachirka shinallatak ñapash yanapaykunaka chayarka.
Facebook pankapika shuk rikchata yallichinakun shuk wawa paypa misista katushpa yachayman yaykunkapak munashka, kunanka shuk wasi shinallatak yakutapash charin. Chay willayka shinami kan.
Kayta paktachinkapakka, Liz Idrovo, Gualaceomanta ñustami rurakamaykunata, ayllukunata mañashpami Cristianpa wasita mushukyaachishka. Chaytami Idrivo paypa Facebook pankapi riksichirka. Shuk kuyukshuyupimi rikurin imashinatak wasita ruran, tullpun shinallatak alliyachin.
19 karway killapi, Idrovo mushuk wasita Cristianman shinallatak paypa aklluyman kurka, shinallatak paypa aylluka yakuta, michatapash charin. Idrivoka chay ayllu mana ima mutsurishkata charishkachu nirka.
Kawsaymanta
Sitwa killapi, Cristian, 9 watayuk wawaka, Gualaceo ñankunapi purikushka, chaypimi Municipiopa llamkakwan tuparishka, chaypimi paypa kawsaymanta willachishka shinallatak yachanawasiman yaykunkapak munan nishpa shinallatak paypa mamata yanapankapak munan nishpa.
Shuk misita paypa makipi charikushka shinallatak 3 dólarpa katunkapak munashka. Municiopiopa llamkakmi chayta redes socialespi churarka, shinami Municiopiopa shinallatak Gualaceo rurakaykunamantapash yanapuykunata charishka. Chaytami Liz Idrovoman chayarka, “Señorita Turismo”, paymi Cristianpa wasiman chayarka. Paymi wasita alliyachinkapak yanaparka shinallatak yaku, michatapash charichun yanaparka.
