Facebookpi shuk willayta churashka “Informate Sucumbios” pankapi, chaypimi nin Sucumbíos markapika 40% unkushkakunaka Inglaterramanta covid-19 unkuyta charita ushanmi. Chayka shinami kan, Quitomanta San Francisco hatunyachanawasimi shuk taripayta rurahspami chayta llukchishka.
17 ayriwa killapi, Ecuadorpi ñami willachirka chay P.1 covid-19 unkuymanta shuk sami kakta, chaytami nin “Brasilmanta unkuy”shinallatak “Inglaterramanta b.1.1.7. San Francisco Hatunyachanawasimanta Instituto de Microbiología shuk willachipi nin 35 akllashka taripaypak Lojamanta, Pichinchamanta, shinallatak Sucumbíosmanta, chaypimi chay mushuk covid-19 unkuymanta llukchirka. Sucumbiosmanta chuskumi chay Inglaterramanta unkuy nirka 40%. Chay taripaywasimi nirka Inglaterramanta covid-19pa sami unkuyka kulla (enero) killamantami unkuchikun, chayshuk brasilmantaka chayshuk hunkaymanta.
https://mobile.twitter.com/IMUSFQ/status/1383233561361145863
Chay sami B.1.1.7ka 14 kapak killamantami , 2020 watamanta yacharirka. Reino Unido mamallataktamantaka Organización Mundial de la saludtaka willachirkami, Reino Unido mamallaktami shutichirka SARS-CoV-2 VOC 202012/01. Chay taripaymantaka kaykunatami nirka:
VOC 202012/01, B.1.1.7 ashtawanmi mirachishka, ashtawanmi yallichikun chayshuk sami unkuywan rikushpaka.
Kallari tantanakuymanta rurnakuna ( maykankuna B.1.1.7wan unkushkakuna), ashtawan llakipi kan, wañuna llakipi chayshukkunawan rikushpaka.
Ecuadorpi, kulla killapimi yacharirka chay la Inglaterramanta sami unkuymanta, Organización Panamericana de la Salud (OPS) shuk panka llukchirka “Actualización epidemiológica: Variantes de SARS-CoV-2 en las Américas”.
San Francisco Hatun Yachanawasimantaka yachayuk, Enrique Terán shuk willaypika nirka, unkushkakuna mirarikun, ashtawan markakunapi, kitikunapipash mirakun, chayta rikushpaka yallishka watapa yallik kan. Ministerio de Salud punchan puncha willaykunapika, 20 ayriwa killakamanka 362.843 covidwan unkushkakuna tiyan nirka, shinallatak 12.2795 chay unkuywan wañushka.
Chay yachayukpakka inglaterramanta sami unkuy (1.1.7) shinallatak (P1) sami unkuykunaka ashtawan llakichin, ashtawan unkushkakuta mirachikun, shinallatak mana ruku runakunapipash, nirka.
