Shuk llulla willaypika Papa Benedicto XVI wañushka nin
Twitter pankapika Georg Bätzing shutita hapishpami shuk willayta llukchishka, Conferencia Episcopal Alemanamanta pushak shina rikurishpa.
Twitter pankapika, Conferencia Episcopal Alemaniamanta pushak, Georg Bätzing shutiwanmi Benedicto XVI wañurka nispa llukchirka, payka 2005 watamanta 2013 watakamanmi apunchik wasikunapa pushak karka.
Twitter pankapi Papa Benedicto XVI wañushka nishpami shuk rikchata yallichinakun, chay willayka llullami kan.
Joseph Aloisius Ratzinger, alemán shimipi shuti kan, payka 2013 watapi llukshishka kan. Chay kipami papa Francisco katirka, paymi apunchik wasikunata pushak kashpa sakirka.
Wañushka nishkaka redes socialespi katinakurka, Vaticanomantaka mana ima willaytapash llukchirkachu. Twitter pankapika Benedicto wañushka nishpami tawka yallichinakurka 15 warankakama chayayka, shinallatak Googlepika 20 waranka maskashkakuna rikurirka.
Shuk saylla kipaka chay rikchaka llulla kan nishpa llukchirka shinallatak Tommasso italiamanta willachik wiñachishka nirka. Chay shutiwan karway killapi yallishka watapi, shina willayta llukchishkamanta ña wicharka.
Wakin willachi tantanakuykuna, Semana willachi panka Colombiamantapash llulla willay kakta nishpa willachirka. “Conferencia Episcopal Alemaniamanta, Georg Bätzing shutiwan shuk llulla pankata wiñachishka, chay llullayka tukuy mamallaktakunaman Benedicto XVI wañushka nishpa chayashka. Shinapash, wakin chiniku kipaka, chay pankamantallatak llulla kakta willachirka, llullami karka”, Semana willay panka nin.
