Mejía mushuk yachanawasita Rafael Correa rurarka
1 kuski killapi 2022 watapi, Guillermo Lasso kallari yachaykunapa chay yachanawasiman rirka. Correa chayta killkarkami.
1 kuski killapi Punasuyu – Antisuyupi yachaykuna kallarirka. Covid-19 unkuymanta ishkay wata internetpi yachaykuna karka, kunanka ñami yachanawasikunaman tikrarkakuna.
Facebook pankapika Rafael Correa nirka: “ashtawan kullkita yachaypi churashka shinapash ñuka rurashka Milenio yachanawasikunapi kallarichin”. Kaytaka Guillermo Lassoman kutichishpami rurarka. Chay willayka shinami kan.
1 kuski killapi, Ecuavisa willachirka Lassoka Mejía mushuk yachanawasipi yachaykunata kallarichishka nishpa. “Kunan, ishkay wata kipa, yachakukkuna shinallatak yachachikjuna yachanawasiman kushilla tikranakun”, mamallaktapa pushak nirka.
Chaypillatak, Yachaypa pushak, María Brown nirka, kay mushuk yachaypika allikachun rikushka. “Mamallakta yachaykunapi yanapachun munanchik; Mamallakta pushak kay ruraykunapi yanapankapak pakta kachun”, nirka.
Chay kallarichishka yachaymantaka Twitter pankapimi nirka: “ashtawan kullkita yachaypi churashka shinapash ñuka rurashka milenio yachanawasipi yachayta kallarichishka”.
Mejía mushuk yachanawasika ima watapitak wiñachirka
Correa pushak kakpimi chay yachanawasita wiñachirka. “tukuykunapa yachay katinmi Rafael Correa mamallaktapa pushakpa ruraykunapi katinchik, kay kullka punchapi mushuk Mejía yachanawasita Pueblo Solo Pueblo kuskapi tukuchirka”.
Chay yachanawasita tukuchishka ruraypi Mamallakta pushak, Yachay kamaywasimanta, Augusto Espinosa, shinallatak waranka waranka taytakunapash karka, shinami shuk willaypi nirka.
Milenio yachanawasikunaka tukuykunapami kan, chayka alli yachayta shinallatak alli yachakuchun paktami kan.
