Izaman juicio kallarina kakpimi ayllullaktakuna llukshirka pakta kankapak
Conaie tantanakuypa pushak, Leonidas Izamanka Fiscalía huchachikun tukuy ruraykunata shayachishkamanta. Chaymanta Cotopaxi runakunaka payta yanapankapak llukshirka, shinapash jucio kallarinkapak tantanakuyka mana tiyarkachu.
4 sitwa killapi, Cotopaxi markamanta kamachik pushak, Paola Bedón, chay juicioka Conaie tantanakuypa pushak, Leonidas Iza ruraykunata harkashkamantami Latacunga Unidad Judicialpi huchachikuna paktachina kan nirka. Chay rimayka mana kallarirkachu Corte Contitucionalta tapuna kan, chaymanta 15 punchata mañakun wakin taripaykunata charinkapak, shinami Fiscalía Twitter pankapi willachirka.
46 taripaykunami tiyan, chaytami Sergio García, Unidad de Delincuencia Organizada Latacungamantaka rikuchinka, shinallatak 40 taripaypi tarishkakunapash Izapa Kamachik rikunchinkapak charin.
Leonidas Izata wichkaywasiman kachakpika kutin katariy tiyanka nishpami Facebook pankapika yallichinakun, chay willayka llulla kan.
Conaie tantanakuypa Twitter pankapika runakuna yanapachunmi mañarka, shinapash mana hatariy tiyanamanta nirkachu.
Runakunapak pushaktaka tukuy ruraykunata shayachishkamantami huchachinakun. COIP kamachipi 346 nikipika pipash shina shayachikpi, imatapash wakllichik, kamaywasikunaman yaykukpi shukmanta kimsa watakamanmi wichkaywasiman kachana”, nin.
Manarak chay huchachinkapak tantanakuy kallarikpi, Izaka Radio Sonoramawan shuk tapuykutichita charirka, chaypimi nirka: “Imapash kachun kunanka karu mamallaktapak kamachita rikukrinchik. Kaytaka karumamallaktaman chayachikrinchik. Shina llullaykunawan, wakllichichun mana sakikrinchikchu”.
Paypa kamachikkunapash mana pachata charishkachu tukuyta tantachichun kay huchachipakka. Povedaka mana ima petróleo pukyukunta harkashkamanta, mana yallichishkamanta kanchu, huchachika E35 ñanta wichachishkamantami kan, nirka. “Mana ima ashtawan churashkachu, mana combustible illaymanta kashkachy, Fiscalíaka mana chayta nishkachu”, kamachik nirka.
Huchachinkapak tantantakuyka mana rurarirkachu. Kamachi pushakka Corte Constitucionalta tapunkapak sakirirka shinallatak mushuk pachakunata churashpa. Chaykamanka, Iza 15 punchakunapo Fiscalíaman kimirina kan.
