Luis Iza, Conaiepa pushakpa wawki, antawaki llaki apashka
Zirma pankapika Leonidas Iza antawapi llaki apashka ninakurka. Shinapash, Conaieka pushakka karu mamallaktapi ruraykunapi kan nirka.
Kayna tutamanta Saquisilípi, Cotopaxipi antawapi llaki apashka. Chaymanta, zirma pankakunapika shuk yurak antawa ñanpi urmashkata rikuchinakurka, imashina El Coemerciopash willachirka.
Twitter pankapika Leonidas Iza, Conaiepa pushak antawapi llaki apashka, chaypimi Jhon A. wañushka, ishkantinmi chay antawapi rinakushka nin. Saquisilípi antawapi llaki tiyarkami, shinapash chay nishkakunaka llullami kan, Izaka mana antawapi karkachu, paypa wawkimi kashka.
Conaie tantanakuyka shuk willayta llukchirka Leonidas Iza mana antawapi llaki apashkachu, payka allimi kan nishpa. Shinallatak, Conaiepa pushakka karu mamallaktapiki ruraykunawan kan nirka.
Leonidas Izapa wawki, Luis Izami shuk antawapi llaki apashka. Conaie tantanakuyta Jonathan Silo wañushkamanta nanarinmi nishpa shuk willayta llukchirka shinallatak Luis Izaka hampirikunmi nirka.
Kayna, Jonathan Xavier Alajo Sillo wañushkamanta willachirka shinallatak Cotopaxi tantanakuyka kay tantanakuymanta mashi kashka nirka. “Ayllukunawan, mashikunawan, San Ignacio ayllullaktawan nanarinchikmi”, Conaie tantanakuyka nirka.
