Glaska corrupciónmantami wichkaywasipi kan shinallatak hábeas corpus mañashakamanta mana paktachishkachu
Guillermo Lassoka punta pushakta mana allikachinchu, Glas wichkaywasipi katinmi shinapash mana Lassomanta kanchu.
Jorge Glas punta pushakka huchachishkamanta wichkaywasipi kan. Habeas corpus pankakunata rurakpipash mana paktachishkachu. Facebook pankapika Lasso piñarimantami Glaska wichkaywasipi kan “punta katik pushakta mana allikachinchu chaymantami kan”. Chay willayka llullami kan.
Chaytaka Lasso shuk tapuykutichipi nishkamantami llukchinakun.
Chay kuyukshupika nin “Glasta mana allikachishkanichu. Mana allikachishkanichu shina mana allikunapi kashkamanta. Shinallatak ayllupa shutita katikushka feriado bancomanta huchachishpa”.
Mamallaktapa pushakka punta katik pushak wichkaywasipi katichun mana
paypa munay kashkachu, imashina Facebook llukchishka shina.
Shinallatak, Mamallaktapa pushakka mana chayta rurayta ushanchu munakpipash. Chay kuyukshuyupika Glaska Lassomantami wichkaywasipi katikun nin shinapash huchachishkakunamantaka mana rimanchu.
20 aymuray killapi, Glaska wichkaywasiman tikrarka habeas cirpus pankata mana arinikpi.
Manglaralto llaktamantami chay pankata kurka, Santa Elena markapa kamachik wasipika mana arinirkachu.
Shinapash, 5 karway killapika, Banny Molina kamachik, Portoviejomantaka mushuk hábeas corpus rurarka. Shinapash, kipaka Molinata taripayta rurankapak hapirka.
16 karway killapi, Glaska mushuk hábeas corpus rurarka mana arinishka kanchu.
Glaska ishkay huchachiskakunata charin. Punta katik pushakka Odebrecht huchachishkamanta 6 wata paktana kan.
Shinallatak, Mamallaktapa ruraykunapa kullkita hapishakamntapash pusak wata wichkashka kana kan, chaykunaka 2012-2016 watapi kashka.