Leonidas Iza Nueva Yorkpi karkami, shinapash mana chayta nirkachu
Runakunapa pushakka Nueva Yorkpi shuk tantanakuypi karka, chayka kuski killapimi karka. Shinapash samanapachata charinamantaka mana nirkachu.
25 kuski killapi, Conaie tantanakuypa pushak, Leonidas Izaka Nueva Yorkpi Climate Week NYC rimanakuypimi karka, chayka Estados Unidos mamallaktapi karka. Pushakmantaka antawapi rikuktami redes socialespi yallichinakurka, chaymantami wakin rimarikuna tiyarka.
Facebook pankapika Iza nishka nin: “Imashpatak samanapachata mana hapita ushani”, Nueva York kitipi kashka kipa. Chay willayka llullami kan.
Chay rikchakata Ecuavisa unanchawan llukchishka. Ecuador Chequea Ecauvisapi llamkakkunwan rimarka, chay rikchaka mana chay willachi tantanakuy rurashka nirka.
Shinapash, Googlepi shinallatak Twitterpi maskashpaka mana chay nishkata rikurinchu. Chay rikchaka redes socialespi yallichinakun. 25 kuski killapi, Izaka Nueva Yorkpi, Estados Unidospi karka. Chaypika “huchachishka kan” pachamamata harkaymanta nirka. “Ñukanchik makipimi Pachamama kan, ñukanchikmanta, wawakunamanta (…)”, nirka.
Conaie tantanakuypa pushakka Nueva Yorkpi karka, chaypimi Naciones Unidas shuk hatun tantanakuyta rurarka, chaywanka pachamamata harkankapak.
Wakin rikchakunami antawapi rikukta shinallatak chay kitipi purikuktapash llukchishka. Wakin runakunaka chay kitipi purikushkamanta rimarinakurka Estados Unidos ruraykunata mana alli rikushka, ima shina Iza nishka nishpa.
Shinallatak, wakinkunaka Iza chay kitipi ima rurakushkata willachinakurka, shinallatak chay mamallaktapi kankapa hayñita charinmi nishpa.
