Estados Unidosmanta pushakka llaki unkuyka tukurirka nirka
Shuk tapuykutichipimi Bidenka mana pipash shimi killparinata churanakunchu nirka. Kaytaka OMS tantanakuypa pushak rimashka kipami llaki unkupacha tukurikrinmi nirka.
OMS tantanakuyka covid-19 unkuyta harkanakapakka wakin ruraykunata paktachina, karulla purina, shimi killparinata churakuna, mana tantanakuykunata rurana, makita mayllarina, uhushpaka shimita, sinkata killaparina.
Shuk willaypika Estados Unidosmanta pushak, Joe Bidenka, Covid-19 unkuyka tukurirka nishka nin. Chay willayka shinami kan.
CNN shinallatak DW willachikunaka, shuk tapuykutichipimi “60 minutos”nishkapi, Joe Biden nishka: “Llaki unkuypacha turishka. Covid unkuywan llakipi katinchikmi. Kaymanta llamkanakunchikmi. Shinapash llaki unkuypacha tukurishkami”. Mamallaktapa pushakka mana pipash shimi killparinata churanakunchu shinallatak tukuy alli kakta rikurin nirka.
Biden nishkaka OMS tantanakuy pushak nishka kipami karka. OMS tantanakuyka llaki unkuypacha tukurikrinmi nirka. Kayka 11.000 runakuna covid-19 unkuywan wañushka kipami karka, shinapash pawkar 2020 watawan rikushpaka mana tawka kanchu, ima shina tukuy mamallaktakunapi karka nin. “Yallishka hunkaypika, 2020 watapi pawkar killawan rikushpaka mana tawka unkushkkakuna tiyachu. Mana shina pachapi kashkanchikchu. Manarak chayanchik, shinapash llaki unkuypacha ñami chayakrin”, OMS tantanakuypa pushak nirka.
CDC ukumantaka 60.000 punchan punchan unkushkakuna tiyarka shinallatak 400 wañushkakuna. “Covi-19 unkuypak vacunakunaka unkuyta harkanmi shinallatak ama yapa unkurichun, ama wanuchunpash harkanmi”, CDC nin.
