Darwin Pereira chayta nirkami
Shuk tapuykutichipimi chayta nirka, mamallakta pushak Mamallakta tantanakuyta anchuchinkapak nishka kipami karka.
Awkarik yallishka punchapi, Mamallakta Tantanakuyka mamallaktapa llamkayrurayta mana paktachishpami shuk pankapi arinirka, chaymanta Mamallakta Tantanakuyta anchuchinamanta nirka. Chillay punchapika, Mamallaktamanta katik pushak, Darwin Pereiraka, chaywan kutichirka.
Facebook pankapika shuk rikchata yallichinakun Pereira kamachi killkakka nishka: “ Anchuchina kakpika, tukuykuna rinkapak kanchik. Mamallakta tantanakuyta anchuchishpa Mamallaktata pushaktapash llukchina kakpika, alli shamushka kachun”. Chya willayka shinami kan; kamachi killkakka shinami nirka.
Awkarik punchapi Guillermo Lasso mamallaktapa llamkayrurayta mana paktashkachu nirka, chaypika 103 kamachi killkakunami arinirka, 15 mana arinirkachu, 5 mana akllarkachu. Chaytaka Mireya Pazmiñomi chay yuyayta kurka, payka Pachakutik tantanakuymanta kan.
Mamallaktapa llamkayrurayta mana paktachikpika mana llukchinkapak, mana huchachinkapak nikunchu. Shinapash, runakunamantaka mañayta ushanmi pushak kashkata tukurichun.
Chay kipaka, Mamallaktpa pushak ukumantaka Mamallaktapa Tantanakuyta anchuchinkapak nirka. Mamallakta Tantanakuyka mana mamallaktamanta rikukunchu. “Chay arinishka pankaka Mamallaktapa pushakta harkankapak, llamkayrurayta mana paktachishka nishpa kan”.
Chillay punchataka Pereira shuk willachipika, mamallaktapa pushak shuk willayta llukchishka kipami nirka: “ñuka yuyaypika, Mamallaktapa pushak anchurina kan, katik pushakpash tukuy yapakkuna rina kan, mushuk akllaykuna tiyachun sakina”, shinami shuk willaypika nirka.
Shinallatak, nirkami “Mamallaktapa pushakta anchuchinkapakka Mamallaktapa Tantanakuyta anchuchishunllami”, chayta rurankapak arinishkami kanchik.
Ecuador Chequea, Kamachi killkakwan rimarka, chayka shinami kan “chayta nirkanimi”, nirka.
