Oxford yachanawasimi shuk Vacunata wiñachikun covid19 unkyta hampinkapak. Chay taripayka ñami kimsa nikipi kan. Chayka runakunawami ña taripayta rurakun.
The Lancet willachik pankami 1077 runakunapi, 18, 55 Wata charikkunawan taripayta katichishka nirka, Reino Unidopi pichka ukukunapi:
- Centro de Vacunología Clínica y Medicina Tropical, Universidad de Oxford.
- Centro de Investigación Clínica NIHR Southampton, University Hospital Southampton NHS Foundation Trust, Southampton.
- Centro de Investigación Clínica, Imperial College London.
- Georges University of London y University Hospital NHS Foundation Trust.
- University Hospitals Bristol y Weston NHS Foundation.
Chay Vacunata runakunaman churashka kipaka, uma nanay, shaykuypash kushka. Shinapash paracetamol hampiwanmi chay efectokunataka yallichishkalla nirka.
Chay vacuna (tuksinaka) intramuscular kan, shinallatak chay taripayka adenovirus, proteína shiba shuk meningococica kan, nirka. 28 punchakunatami chay vacuna kipaka runakunata rikurayashpa katishka, shinami punchan punchan imashinatak katikushkatami killkarishka. «chaymantami paktaypika ña alli kakta rikushpaka, chaymi tukuy taripayta paktachin».
Kunankamanka 137 vacunakunata wiñachinakun, kallari taripaypi kan, shinallatak 23 Vacunakunaka ishkay nikipi kan, shina nin Organización Mundial de la Salud. Chaypimi Oxford taripaypash kan. Chay kimsa nikipi kashpaka waranka yalli runakunawan taripayta rurana kan, chay vacuna alli kanchu yachankapak.
Hampimanta yachashkakuna tukuyta maskanakun mamallaktakuna hampikuna charichun. Organización Panamericana de la Salud (OPS) nirka. ña hampi tiyakpika tukuykuna hampi charinchu, shinallatak mana yapa kullkipa katuchunpash rikunakun COVAX shutiwanmi riksirin, chaypimi América Latina mamallaktakuna, Caribepash tantanakushka kan. Ecuadorpash chayman kimirinkapakmi katichikun. Oxford shuk killa, ishkay killa kipami taripaymanta paktaykuna charirinka nin.
