Facebook pankapi shuk willayta llukchirka Mamallaktapika PCR taripayta mana mañankachu, kunanka QR unanchatalla vacunarishkamanta mañana nishpa. Chay willayka shinami kan.
El Universo pankapika, 11 panchi killapi, Ecuadorman shinallatak Gapalagosman yaykunakapak mushuk mañaykunata churanakun nishpami willachirka. PCR taripaytaka mana mutsurinchu, shinapash QR unancha vacunarishkamantami mañarinka shinallatak wakinpika pankapilla.
COE tantanakuymanta, Juan Zapataka, Cancillería, Ministerio de Transporte shuk willayta llukchina kan mamallaktaman yaykunapaka kay mañaykunami kan nishpa.
Mariscal Sucre antanka shayarinapa twitter pankapipash mamallaktaman yaykunakapakka mushuk mañaykuna tiyan nirka, 11 panchi killamantami chaytaka katichinka shinallatak: 3 yalli wata charik wawakunaka QR unancha vacunarishkamanta charina kan, vacunarishkaka 14 puncha paktashka kana kan.
9 panchi killapi 2022 watapi, COE tantanakuyka ama unkunkapak mushuk mañaykunata churarka, chaytaka Hampi kamaywasi kay hunkaykuna mana tawka unkushkakuna tiyanchu nikpi.
Shinami, COE tantankuyka killu shinallatak waylla semaforopi kitikuna kakpika 75% runakunawan wakin ruraykuna tiyanchun arinishkami shinallatak mamallaktaman yaykunkapak mushuk mañaykunamantapash nirka.
Shinallatak Club Técnico Universitariopa Noche Albirroja pukllaykuna, 60% runakunawan Bellavista pukllana pampapi arinirkami. Shinallatak Barcelopash 60% Monumental Pukllanapampapi Copa Libertadores pukllayta rurachunpash arinirka.
