Brasilpi kushillupa viruela unkuywan wañushkamanta willachirkami
41 shuk watayuk runami kashka shinallatak cáncer unkuymantapash hampirikushka. Yallishka chaska punchapi kushillupa viruela unkuywan wañushkamanta Brasilpa mamallaktapa pushak willachirka. 41 watata kari runami kashka. América llaktapika kallari shuk wañushkami kan.
Twitter pankapika shuk rikchata yachinakun kushillupa viruela unkuywan shuk wañushka nishpa. Chay willayka shinami kan.
Brasilpika 1.066 unkushkakuna tiyan, ashtawanka São Paulopi kan. Wakin willachi tantanakyykunaka, yallishka hunkaypika kushillu viruela unkuyka wawakunapi kallarishka, ishkay warmi wawakuna shinallatak chusku karikuna.
Brasilmanta Hampi kamaywasika kallari unkuykuna kan, manarak llakiunkuypacha tukunchu. Kay unkuyka rupariyunkuywan, shaykuywan, uma nanaywan, shinami kallarin nin. Yachayukkunaka 1 shinallatak 5 punchakunapimi chay karapi chukrishkakunaka anchurin nin.
Uchilla puka chukrishka shina kallarin, kipaka tukuy ukkuman chayan, shinallatak shikshin, chukrichin. OMS tantanakuyka 10% unkushkakunami hampiwasipi kan nin.
Africa kanchakunapi wañuykuna
Kunankamanka kushillupa viruela unkuywanka kimsa wañushkakuna tiyan; chaykunaka Brasil shinallatak Españapi kan. Españapika ishkay wañushkakuna tiyan. Pushakkunaka maykanpash unkuyta ushanmi nin, kushillupa viruela unkuyka mana transmisión sexualmanta kanchu nin.
