Shuk wamprata wañuchik tantanakuyman mana kimirikpi wañuchishka
1 aymuray killapimi Bastión Popular kuskapi kashka. 14 watayuk wampraka illapaywan umapi kushpa wañuchishka. Guayaquilka zona8 nishkapi kan, chaypika ashtawan llakikuna tiyan. Watapika, 462 wañuchishkakuna tiyashka, 2021 watapa yallimi kan. Chaymantami Facebook pankapi llukchishka 14 watayuk wamprata illapaywan umapi kuskapami wañuchishka nishpa. Chay willayka shinami kan.
Chay rikchaka ND Noticias pankamantami llukchishka, Babahoyomanta kan. Paykunami Bastión Popular, Guayaquilpi shina llaki tiyan nishpa willachirka. “Kinku ñanpi shuk wamprata uriyakuchirka. Chay wampratami illapaywan umapi kushka”, shinami shuk runa rikushkamanta willachirka, paypa shutita manchaymanta mana kurkachu.
Chapakkunaka, chay wampra mana chay wañuchik tantanakuypi kankapak munakpimi wañuchishka nirka. Chay wampraka hatun yayakunawan kawsashka. Payapa mamaka punta watakunapi wañushka, shinallatak paypa taytaka wichakaywasipimi kan chapakkuna nirka.
