OMS tukuykuna vacunakuna chaskishpami alli kanka shinami covid-19 llaki unkuypachata harkarinka nirka.
Instagrampi shuk willaypika OMS hampi tantanakuymanta, Tedros Adhanom, 2022 watapika Covid-19 unkuyta harkarinkami nishka nin. Chayka shinami kan.
30 kapak killapi 2021 watapi, Adhanom shuk willayta yallichirka nishpa 2022 watapi unkuypacha tukuchinkapak munay tiyan. Shinapash, mana tukuy pachamamapi mana shinallatak kakpika katinkami. “Tukuy imaykunata charinchik, charishkakuna, yuyaykuna (5 hunu chinkashka kawsaykuna shina yupashpa) shina kay llaki unkuypacha tukuchinkapak. Shinapash, imashina tukuypacha nishkanchik, tukuykunapa munay mutsurin. Pushakkuna tukuy ama unkunkapak ruraykunata katinkachu. Paykuna, hampi katukkunapash ashtawanka tukuy pachamamapa ruraykunata katinkachu. Chaytami rimarka.
Notimundo shuk willayta llukchirka. Pushak nirkami, ishkay wata kipa shinallatak imaykunawan covid-19 unkuyta harkanka, shinapash mana tukuykunapak chayakunchu.
“Tukuykunapak chayakpika, unkiypacha tukuchishunmi shinallatak kay llakikunawan tukuchishun. Kaytaka usharinkami”, nirka.
Victor Álvarez, Pichincha Hampikkunapak pushak Ecuador Chequeaman nirka tukuy Pachamama ruraymi kan, llamkashpa katina vacunakuna tukuykunaman chayachun, shinallatak ama unkurinkapak kamarishka katina shinallatak unkushkakunatapash rikuna kan.
