Ashtawan unkuyta ushanmi maykankuna mana vacunarishkakuna. Vacunarishkakunaka ashtawan kamarishka kan, shinallatak unkurishpapash mana yapa kanchu.
Twitter pankapimi shuk willayta yallichinakurka Covid-19 unkuypak vacunaka mana unkuyta yallichichun harkanchu nishpa. Chaypillatakmi shuk rikchata churan nishpa vacunarishkakunapash unkurita ushanmi, yallichinatapash, wañuytapash nin. Chay willayka umachinkapakmi kan.
CDC hampi kamaywasika covid-19 unkuypak vacunakunaka alli kakta shinallatak hampinatapash rikunmi. Shinallatak, ashtawan covid-19 unkushkakunaka mana vacunarishkakuna kan.
Kay kamaywasikunapash ninmi vacunarishkakunapash covid-19 unkuywan unkurita ushanmi, shinalltak unkuytapash yallichita ushanmi. Shinapash, mana yapa wañushkakuna tiyanchu, hampina wasikunapipash mana tawka tiyanchu, ashtawanka mana vacunarishkakuna kan.
El Comercio pankapika vacunarishka kipapash imashpatak unkuyta yallichina ushanamanta willachirka shinallatak vacunakunaka alli kaktapash nirka. Shinapash, unkuyta harkachunka mana ñapash kanchu, pachata mutsurinmi nirka. Chaymantami, wakinkunaka chayra vacunarishka kashpapash unkuyta usharinmi shinallatak unkuyta yallichita ushanmi.
Vacunakunaka mana 100% unkuyta harkanchu, chaymantami, maykanpash vacunarishka kashpakash unkurita ushanmi, nin CDC.
