Facebook pankapi shuk willayta llukchirka Yachachikkuna ñankunaman llukshinakun, hatariykuna katinmi nishpa. Chay willayka 2 karway killapimi llukchirka, shinapash mana achiklla kanchu. Yachachikkunapa hatariy 11 markakunapi kallarirka, shinapash UNEka Mallakta Tantanakuyman shinallatak Defensoría del Pueblomanka mana ashtawan hatariyman llukshinkachu shinallatak shuk markakunapipash mana katinkachu nirka.
Chayka 6 karway kimmakamanmi katinka chay punchapimi shuk tantankuy wakin kamaywasikunawan tiyan, chaypimi yachaypa kamachimanta rimarinka, yachachikkuna Corte Constitucionalman mañaykunata rurashkata kutichichunmi mañan.
Shinapash, hatariykuna tiyashka, ñankunatapash wichashka mana tawka pachapa kashkachu. Chay willaypi rikchakuna churashkaka shukka Cotapaxipi hatariy rurashkamanta kan, chayshukka mana yacharinchu maymanta kakta.
Cotopaxi markamanta UNE tantanakuyka, 4 karway killapi nirka Quito hatariyman kimirinkapak, chayka UNE tantanakuy nishkata katishpa 6 karway killakaman tanatanakuy kallarinkakaman mana shina kakpika shuk ruraykunatami katinka, nirka.
Isabel Vargas, UNE tantanakuypa pushakka, shuk willay tantanakuypi FUTwanpash karka, yachachikkunaka 11 karway killapi hatariyman llukshinka chaypakmi kayachishka nirka.
