Hampi kamaywasimanta pushak shinallatak América Latina llaktakunamanta Sinovac pushak chay llamkayta rurankapak tantanakurka.
Facebook pankapimi Ecuadorka Sinovac vacunata rurankapakmi shuk wasita charinka nishpa shuk willayta llukchirka.
Chay killkaypika Hampi Kamaywasi Sinovac chinamanta rurakamaywanmi tantanakuyta charirka shinallatak taripaykunata rurankapak arinirka, vacunakunata rurankapak shuk wasita wiñachinkapak shuk arinishka pankata paktachinka. Chay willayka shinami kan.
Hampi kamaywasipa pankapi, 11 panchi killapi 2022 watapi rurakamaywan llamakayrurayta rikunkapak shinallatak mamallaktaman yanapankapak paytaykuna tiyachunmi shuk tantankuyta rurashka nirka.
Sinovac ruraykunapa pachakunta churarka 2032 watakama pantachinkapak shinallatak Ecuadorpi shuk llamkayrurayta paktachinkapak arinirka China mamallaktamanta pushak shinallatak Sinovac.
Chay llamkayrurayka, vacunakunata rurankapak wasi shinallatak mamallaktapi taripaykunata rurankapakpash kan; chaywanka yachaykunata, yachay ruraykunawanpash sinchiyachinkapak kan.
Kay llamkayrurayka kimsaniki rurayta charin: ashalla pachapi, chayka shuk shinallatak ishkay watapa ruraykuna kan; chawpi pachapika, kimsa shinallatak pichka watakama; shinallatak ashtawan pachapika, pichka shinallatak pusak watakama kan.
Universo willachi pankapika nikun, Hampi kamaywasipa pushak, Ximena Garzón, shinallatak América Latinamanta Sinovac pushak, Jaxk Tangwan tantanakushka nirka.
Shinallatak, hampi kamaywasipa llamkakkunawan shinallatak tantanakuykunawanpash Sinovac llamkayruraymanta tantanakuyta rurankapak sakirirka. Chay tantanakuyta rurashka kipaka, vacunakunatak rurankapak wasita wiñachinkapak shinallatak kallarichinkapakmi arinishka pankata ruranka.
Primicias willachi pankapika 2032 watakama Sinovacka llamkayruraykunamanta churashka shinallatak Durán llaktapi taripayta kallarinkapakpash nishpa willachirka.
