Mana alli rurashkamantami Judicaturaka llukchikun
Shuk willaypika Diego Moscosota imamantatak llamkaymanta llukchinakuktaka mana ninakunchu, shinapash paykuna arinishka kan.
Santa Elena markamanta Judicaturami shuk llamkaywillayta kayna puncha kachashka, chay kipami Diego Moscoso kamachik rikuktaka kacharka, payka Manglaraltopi, Santa Elena markapi llamkakurka. 9 ayriwa killapi, Moscosoka Jorge Glasta habeas corpuswan llukchirka.
Twitter pankapika Jorge Glasta shuk kamachik rikuk llukchirka, paytami Judicaturaka llamkaymanta anchuchikun nin. Chay willayka shinami kan.
Chaytaka Judicatura kamaywasipa Twitter pankapimi riksichirka. Shinapash, chay willaypika imashpatak llamkaymanta anchuchinakuktaka mana ninakunchu.
Jorge Glaska Latacunga wichkaywasipimi karka shinapash Moscosoka Santa Elena markamantami habeas corpus rurarka.
Judicaturaka “Santa Elena markamanta llamkaywillayta”riksishka kipami chayta rurashka. Glaska Quito wichkaywasipimi kan shinallatak paypa kamachikkunaka tukuy mutsurishkatami katichinka payta llukchinkapak nishka. Shinapash payka ishkay huchachikunatami charin.
