18 raymi killapi, twittwerpi shuk willaypi Lachlan Makay, willachik The Daily Beast ( Estados Unidos), nirka: Ecuador mamallaktamanta pushak Balsera Comunications nishkaman contratarka << coronavirusmanta llakipi kakpi, shinallatak Ecuador kanllamanka mana allí rikurikun>> Ashtawan chay willay kuyurikurka USD 37.000 kullki kushka nishkamanta.
Ashtawanpash, kay COVID-19 llaki unkuy pachapi kullkita kunakun nishpa. Ecuadormanta Secretaría General de Comunicaciónpash (Segcom) chay contratomanta willachirka. Chayta rurarirka “llullakunata, mana allí willaykunata harkankapak, kay llaki unkuypachapi, mana allí rikurikpika mana ima yanapayta charita usharinchu” Segcom nin, karu mamallaktakunapi shuktak willaymi chayakun “ mana alliyachashka willay”, Maykan llulllay ashtawan llullaykuna kuyurirka, ecuadorpi wañushkakuna ñankunapi sakinakun, Guayaquilpi ayapampata rurakun tukutkunata chaypillatak pampankapak, nishpa. 29 panchi killamanta, 16 aymuray killakamanka, 336 llullakunatami kay kamaywasika tarishka. Shinapash, kay llamkayka ashtawan kashka yanapankapak, pakta ima llamkaypi kankapak, shinallatak Balsera Communicationsman willachinkapak imatatak Ecuadorpa pushak paktachikun kay llaki unkuypachapi.
Balsera pankapika kamaywasikunapa yachakkuna, willaykunapa llamkaykunapash rurak “willay tantanakuykunamanta, zirma atiyrimanta, tantanakuykunapa shinallatak rurakamaykunapa ruraykuna”, nin. Kay Balsera rurakamayka mana Servicio de Compras Públicas ukupi killkarishka rikurinchu. Ashtawan maskashpaka mana ima contrato rikurinchu, shinallatak Centro de Inteligencia Estratégica (CIES) nishkapipash illanmi. CIES ukumantaka paykunaka Sistema Nacional de Inteligencia, shinallatak ima llakipipash willachinkapak, yanapankapak mamallakta tukuy seguridad charichunmi kan, nirka. << chay willayka mana shinalla llukchirinchu, mana imatapash willayta kuyta ushanchik. Kunanka, kay kamaywasika tukuy seguridad rikukmi kan, shinallatak ruraykunawan yanapankapak>> Chay panka internetpi kuyurikukka Departamento de Justicia Estados Unidosmanta kan.
Chayta huntachishka imashina nin, Ley de Registro de Angentes Extrangeros (FARA), 1938 watapi wiñachiska. Chaypika maykankuna ima llamkaykunata, ima política ruraykunata ruranakukpi, shuk mamallaktakunamanta pushakkunawan llamkanakukpi, shuk willachita llukchina, rikurichun maykan pushakkunawan llamkanakun, ima ruraykuna, mashnata chaskishka, yanapashka chay ruraykunapi.
