Wañushkakunaka mana vacunarishkakuna shinallatak shuk unkuytapash charikkuna kashka
Shagháipika covid-19 unkuymanta wakin harkaykunatami churarka; wakinkuna unkushka kashpapash mana ima nanaykunata charinchu. China mamallaktamantaka Shanghái ashtawan hatun kiti kan, 25 hunu runakunami kawsan. Chaypika pawkar killamanta wakin harkaykunatami churashka covi-19 unkuyta harkankapak.
Shangháipi 3 wañushka covid-19 unkuymanta nishpa Twitter pankapi llukchirka shinallatak 2020 watamantaka chayrakmi shina covid unkuymanta wañushkakunamanta willachin. Chay willayka shinami kan. Pawkar killapi, Shangháipika añawllawtumanta kamarinkapak wicharirka. Chayrakmi kimsa runakuna wañushka nishpa BBC willachirka. Wanushkakunaka ishkay warmikuna 89 shinallatak 91 watayukkuna kan shinallatak 91 watyuk kari, paykunaka mana vacunarishka kashkachu.
Shanghái hampi kamaywasimantaka kay inti punchapi kimsa runakuna wañushka nirka. Chay willaypika “ama wañuchun sakinkapak tukuytami rurarirka”shinallatak puntallatak wakin unkuykunatapash charishka nirka.
Chinamanta pushakkunaka 38% runakuna 60 watayukkuna vacunarishkami kan nin. Shinallatak, añawta charinchun yachankapak taripaykunatapash rurarin. Chinaka mana pipash covid-19 unkuywan wañushkachu nishka shinapash chaykunamanta rimarikuna tiyashkami nirka BBC. Kay awaki punchapi covi-19 unkuywan unkushkakunamanta kallari willay karka.
Hampiwasipi kimsa wañushkakunamanta France24 nirka: “chay kimsapura runakunaka hampiwasiman yaykushka shinallatak tukuyta ama wanuchun rurashka”. Shnaghái 22.248 unkushkakunamanta willachishka, chaykunamantaka 2.417 mana nanaykunata charinchu, imashina hampi kamaywasi nin.
