Correístakuna punta ministramanta shuk hatariyta rurankapak kayachishka, punta pushakka wayru killapi 2019 watapi Mamallakta tantanakuy llukchirka
Shuk willayta llukchirka Estados Unidosmanta shinallatak Canadá Acción Revolución paykunami María Paula Romomanta shuk hatariyta rurarka kayachishka Pensilvania Hatunyachanawasipi rurankapak. Chay tantanakuy Romo ama chaypi llamkashpa ktichun ninakun, chay ruraytaka 17 kapak killapakmi kan. Chay willayka shinami kan. Acción Revoluciónmi twitter pankapi churashka.
Pensilvania Hatunyachanawasimanta Estudios Latinoamericanos shinallatak Latinx chay mañayta rurashka Romota llukchichun. Romoka 2021watapak taripak kan. Payka Mamallakta tanakuymi llukchirka, Ecuadorpi wakin llakikuna tiyashka nishpa.
Daily Pennsylvanian Hatunyachanawasimanta yachakukkunapak pankami, 2 kapak killapi willachirka, 11.000 runakuna chay mañayta churashka. Romoka politicamanta shina ruranakun nirka. Shuk zirma chaskita kachashkapi chay willachi pankamanka nikun: “Ecuadorpi mana maypipash mana shuk huchachita charinichu”.
Acción Revolución shuk tantanakuy kan correístakunapak kan wakin mamallaktakunapi kan. 14 kapak killapimi chay kayachita rurarkakuna “llakichiskatak taripak shina charinkichik”.
