Kay taripaykunapika 18 shinallatak 55 watayuk runakunami yanapanakun paykunawan alli kakta shinallatak unkuytak harkakta rikunkapak.
Twitter pankapi llukchirka Pfizer ómicron unkuypak taripayta kallarirka. Shinallatak, kay rurayka wakin unkuykunapak vacunata charita usharinka. Chay willayka shinami kan.
Infobae Pfizer shinallatak BioNTechmanta taripayta kallarishkamanta, ashtawanka Ómicron unkuyta harkankapak willachirka.
Rurakamaywasikunaka taripayka imashinatak unkuyta harkan rikunka, 1420 runakunapi 18 shinallatak 55 watayuk runakunapi rikunka. Omicron unkuypak 30mg vacunata churanaka.
Pfizer vacunata taripal, Kathrin Jansen, nirkami:“ kay harkayta pachakunaman kamay ashtawan urayman rinataka mutsurishka kan shinallatak Omicron unkuypak, mushuk unkuykunapakpash yanapanka”.
Shinallatak, sinchiyachinkapak vacunata churanata yanapakta yacharinmi, shinami ó El Universo willachi pankapi nirka.
Redacción médica pankapika Pfizerpa CEO, Albert Bourla, nirkami “ashtawan kamarichunmi munayka kan, ama hampinawasiman richun shinallatak ama yapa unkurichunmi kay vacunakunaka yanapan, shinapash kimsaniki vacunata churarishpa”.
Bourlaka kay mushuk vacunaka mushuk covid unkuypakpash kanka nirka.
