Tantanakuykuna rurashpapash Pachakutikka mana alliyarkachu
9 kamachi killkakkakuna mana tantanakuyta kayinkapak munashkamantami Pachakutikka chawpirishka kan. Mamallakta Tantanakuypi, Guadalupe Llorika shuk yanapaymantallami sakirirka.
2021 watapi, 9 kamachi killkakkunakami Pachakutik tantanakuyta mana katirka. 15 kapak killapi chay tantanakuymanta llukshin nishpami willachirkakuna.
Chay kimsa killa kipami Facebook pankapi Guadalupe Llorita Leonidas Izawan shuk rikchata llukchirka. Chay rikchapika alliyanakuymantami rimakun. Chay willayka umachinkapakmi kan.
9 pawkar killapi 2022 watapi, Mamallakta Tantanakuypa pushak, Guadalupe Lloritaka shuk yanapaymantallami mana llukchirka. Mariuxi Sánchez, UNES tantanakuymanta chay punchapi mana karka, chaymanta chay mañaykuna mana paktarka.
Llori llamkashkamanta taripankapakmi 70 purami arinina karka, shinapash 69 purallami tiyarka.
7 pawkar killapi, Pachakutikka tukuy pakta kachun nishpami paykunapa tantanakuyta kayachirka shina ama chay ruraykunamanta llukshichun Llorita taripankapak maskanakukpi. Pachakutik tantanakuypi yanapankapak nirkakunami, shinapash alliyanakuykuna mana tiyarkachu.
El Comercio pankaka Pachakutik tantanakuy rimanakuykuna tiyakpipash mana shuk yuyaylla tiyanchu nirka.
“Maykan kamachi killkakkuna kay tantankuypi arinishkakunata mana paktachikpika, mana tantanakuymanta shinallatak mana kamachi ruraykunata katikukpika kaymanta anchuchishun”, Marlon Santi nirka.
