Ecuador runakunapa tantankuy CONAIE, 6 karma killapi, shuk hatun tantanakuyta rurarka. Ecuadorpa pushak tukuchun kallari akllaypak. Kay tantakuymanka, runallaktakunamanta, markakunamanta tantanakuykuna, suyukunamanta, shinallatak Pachakutik tantanakuymantapash karka. 15 saylla rimanakuy kipaka, Jaime Vargas, shinallatak Leonidas Iza ecuadorpa pushak tukuchun nishpami kallari akllaypak sakirirkakuna.
Conaie, twitterpika ishaka mashikunata yanapannishpami killkarka “ Pachakutik tantanakuy mashikunami kan, shinallatak runallakta tantanakuykunamanta pushakkuna, tukuy mamallaktapi shina rikushka kan”. Shinallatak, kay 2021 watapa akllaykunapi Conaie tantanakuymanta akllashkakuna kana kan nishpami mañarkakuna.
Resoluciones Consejo Ampliado de la CONAIE
Con la participación activa de los pueblos, nacionalidades, organizaciones provinciales, regionales y el brazo político @PKnacional18; luego de 15 horas de un amplio debate, análisis y evaluación, resuelve:
➡️https://t.co/NvgfENBNIS pic.twitter.com/rmVLJdIr18— CONAIE (@CONAIE_Ecuador) August 7, 2020
CONAIE tantanakuyka Ecuadorpa runallaktakunami tantanakushka kan. INEC kamaywasimantaka kay mamallaktapika shuk hunu runallaktakunamanta runakuna tiyan nin.
Kimsa suyumanta tantanakuyta ruran:
Punasuyu runallaktakunapa tantanakuy, ECUARUNARI
Antisuyu runallaktakunapa tantanakuy, CONFENAIE
Kuntisuyu runallaktakunapa tantanakuy, CONAICE
Pachakutik tantakuymi 1995 watapimi wacharirka, kaymi CONAIE mañaykunata paktachinkapak, shinallatak ñawpachunmi karka. 2011 watapi, Consejo Nacional Electoral (CNE) kamaywasipimi 160.153 shuti aspikkunawan killkarirka.
2021 watapa akkllaykunapakmi, Pachakutik (PK) ecuadorpa pushak tukuchunmi akllakrin. Sitwa killa tukuripimi kimsa shutikuna uyarirka pushak akllankapak: Leonidas Iza ( Cotopaxi runallaktakunatapa tantanakuyta pushak (MICC)), Yaku Perez ( Azuay markapa pushak), shinalltak Salvador Quishpe (Zamora Chinchipe markapa pushak karka). Shina kakpipash mana akllarirkachu.
Imashinatak shutikuna llukshirka
Markakunapa tantankuykunami kallari akllayta rurarkakuna.
- 4 raymi killapi, Zamora Chinchipe markami Salvador Quishpetaka akllarka.
- 10 sitwa killapi, Cotopaxi tnatanakuykuna Leonidas Izata akllarkakuna.
- 30 sitwa killapi, Azuay markamanta Yaku Perez (Azuay markapa pushak) akllashka sakirirka.
PK tantankuymanta ñachu akllashka sakirirka
30 sitwa killapimi, CONAIE shuk willayta llukchirka shuk tantanakuyman kayachishpa 6 karma killapak. Runallaktakunaman, suyukunamanta tantanakuykunaman “ tukuykuna pakta imatapash yuyarinkapak shinami ecuadorpa pushak tukuchun akllankapak”.
[INVITACIÓN]
Invitamos a los pueblos, nacionalidades, organizaciones provinciales y regionales al CONSEJO AMPLIADO a realizarse este 6 de agosto a las 10h00 para definir el respaldo desde la estructura CONAIE a la candidatura presidencial del brazo político @PKnacional18 pic.twitter.com/yPJxruGkG6
— CONAIE (@CONAIE_Ecuador) July 31, 2020
1 sitwa killapi Salvador Quishpeka Yaku Perez yanapayta rikuchirka “ tantanakuymanta ari nishkata katinchik, shinallatak ñukanchikpa yanapayta kunchik paktashkakaman” shina nishpami paypa facebookpi churarka.
Azuay markamanta akllashka kashka nikpipash shinallatak Sakvador Quishpe yanapay rikuchishkapash, Leonisdas Izaka mana imatapash nishkachu. 5 Sitwa killapimi, Cotopaxi tantanakuykuna shuk willachita llukchirka “ kay akllanakuy pachapi wakllichinkapak munanakun (…) “ shinallatak ima kakpipash kay akllaykunamantaka 6 karma punchapimi willarinka, nirka.
A las bases del movimiento indígena, del sector popular y ciudadanía en general respecto a los procesos en #Elecciones2021Ec daremos nuestro pronunciamiento oficial sobre el tema luego del Consejo Ampliado de @CONAIE_Ecuador realizarse este 6 de agosto 2020. pic.twitter.com/RpK5O8cPwE
— Mov.IndígenaCotopaxi (@Micc_Ec) August 5, 2020
Chaykunata rikushpaka, runallaktakunamantaka manarak shuk yuyaylla rikurinchu. Kamachikunata katishpaka kallari akllaykunata ruranarami kan, shinami Ecuadorpa pushak akllaypa sakirichunka rurana.
6 sitwa killapi, el Consejo Nacional Electoral (CNE) Reglamento para la Democracia Interna de las Organizaciones Políticas hayñikunata ari nirka. Chaypimi nin ima punchakunakaman akllana 9, shinallatak 23 sitwa killapi.
