Llaki unkuypacha parakpika, ashtawan llaki tiyanka. Mamallaktakunamanta 70% runakunata vacunachunmi mañan.
Facebook pankapimi shuk willayta llukchirka OMS tantankuymanta pushak, Tedros Adhanom Ghebreyesuska, Covid-19 unkuymanta wakin watakunami chay llaki paranka. Chayka shinami kan.
ABC Españamanta 7 panchi killapi 2022 watapi, Tedros Adhanom shuk tapuykutichiypi nirkami: “Watan watanmi llaki unkiuypachamanta llakikuna sakirinka”. Ashtawan pacha llaki unkuypacha parakpika, ashtawan llaki kanka”.
Adhanomka añawallawtu unkuyka llakichinmi shinallatak mana unkuylla kanchu, kullkikamaypi, hampipi tukuy mamallaktakunapi llaki rikurin.
Mamallaktakunamanta 70% runakunata vacunachunmi mañan shina yanapachun 2022 chawpi watakama paktachinkapak.
Tawkakunaman vacunashpaka, hampi kamaywasikunata shinallatak kullkikamaytapash hatarichita usharin.
Edición médica pankapika OMS pushakka vacunakuna tukuykunaman chayachun nishka, mana llaki unkuypachata harkankapak shinallata kawsayta kamankapak, shina hampirishpa yanapankapak.
Tntanakuypa pankapika añawllawtumanta ashtawan kullkikamaypi, kawsaypi, hampi llaki mirashka nin.
Shinallatak, suyukunapika kullkikamaypi, runakunapa kawasaypi kunan shinallatak kipamanpash llakikuna tiyankami nin.
